in

Politikeria i hòrtamentu: Dushi Kòrsou ta

E lokura di korementu di kampaña a kuminsá. E biaha aki sin GIO, sin bandera i kasi sigur sin saku di kuminda pa kumpra voto. Hest’un bendishon. Pa promé biaha den nos historia, partidonan polítiko tin ku traha pa kada un voto. Un fiesta grandi na sede pa garantisá voto di hobennan ingenuo, inosente, no por mas, danki na don COVID. Kiko nos partidonan polítiko ta bai hasi awor? Diferente partido polítiko nobo a lanta, anunsiando kambio den nos arena polítiko. Na promé instante ta parse ku nan strategia ta diferente. E avalancha transformativo polítiko a yega Kòrsou porfin?

Polítika bieu
Laga nos ta hopi sinsero: tur polítiko na Kòrsou ta meskos. Ta un zùrmentu tokante di un rèspèt infinito ku nos pais meresé, un potenshal di djaki te Hapon ku nos pais tin, pero ku niun gabinete no ta hasi uso di dje, anto no lubidá e famoso “integridat”. Ta tur ta íntegro! Bon ya, si nos ignorá soborno, kontaktonan ku mafia, gaña kumpra suministro pa hòspital i hòrta e plaka, seramentu di kontraktnan ku familiarnan i hisamentu di salario di ministernan den skondí… Hopi íntegro.

Ta manera kos ku tur nos polítikonan ta bini di e mesun nèshi putrí, trahá di sumpiña.

Ta manera kos ku tur nos polítikonan ta bini di e mesun nèshi putrí, trahá di sumpiña. E problema ta, ku e nèshi di sumpiña su paden ta suave manera felpa. Ta NAN nèshi. Nos di pueblo tinku keda afó. Polítikonan na Kòrsou ta hende ku plaka. Hende ku plaka konosé hende ku mas plaka. Un sírkulo fis, bombá di hende ku ta landa den plaka. Mainta nan ta bebe shampaña bruá ku djus di apelsina na nan “American Breakfast Buffet” lesando “ Antiliaans Dagblad”. Na mesa: diferente polítiko ku despues di kampaña a bira minister. Asina den skondí nan ta diskutí kua fabor e minister tinku hasi e amigu riku ku a hinka miones den su kampaña. Al final niun florin hinká den kampaña no ta pòrnada. Asina e kos ta kuminsá. Despues e fabornan ta bira mas grandi, te skür na lei. Poko ta wòrdu persiguí. Pero algun ta keda tras di trali, sin plaka, sin nada.

Polítika nobo? Nò, tòg nò.
Laga nos papia di e avalansha polítiko. Ta yen grupo chikí chikí ta lanta manera Dios di ta basta pero dos ta resaltá: KUMUN (Kòrsou Un Munisipio Ulandes Nobo) i VISHON. Nan strategía no por ta mas diferente. KUMUN ta lastra Kòrsou, yama nos hendenan morto di hamber, nos país miserabel i nos polítikonan ínkapas. Hulanda ta nos salbashon. Nos tinku bira parti di Hulanda mesora, pèrdè nos outonomia te ora kos drecha. E lider di KUMUN, ya a anunsiá ku no tin nesesidat di hòrta. Bo mes sa… integridat.
VISHON ta otro. Nan ta papia di un potenshal ínfinito ku nos país tin – ta zona konosí òf nò? Sigun VISHON Kòrsou ta grandi pero polítiko tradishonal ta stroba kos. NAN si tin hende kapas. VISHON a bin pa duna Kòrsou chèns pa soñonan grandi atrobe.

Niun polítika nobo. Niun avalancha. E kos ta pinta mesun mahos. KUMUN ke bai fòrsa un kos ku ni Kòrsou (segun e delaster investigashon di korant EXTRA) ni Hulanda no ke. Si e logra fòrsa su agènda mes lo dura años promé ku nos ripará algu. VISHON n’e otro banda, tin un payaso komo lider ku ta zùr tokante polítika tradishonal kaminda su spich ta meskos ku tur k’a bin te bai.


Laga nos sòru, en todo kaso, pa TUR partido polítiko splika nos na plaka chikí, unda kada depchi lo bai. Kiko nan ta para p’e? Ami ta boga pa kuater debate. Dos na Telecuracao, dos na TVDirect. Pa wak si nan dos por baha kabes, stòp di bringa manera pushi ku kacho, i organisá debatenan nesesario i revelador pa kambio. Pasombra nos mester di kambio!Por sierto, ta tur ta payaso. Te ora ekonomía krese.

E bon yu di Kòrsou, Z.

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Mi bida den gara di droga: SEX,Baile i XTC (parti 2)