in

Mi bida den gara di droga: SEX,Baile i XTC (parti 2)

Muziek ta dal, alcohol ta lora, XTC na abundansia I ami ku un enkuentro intimo riba dansvloer. Tur e susesonan aki; I tabata solamente 00:30. E ambiente e anochi ey tabata uno amoroso den diferente manera. Ora mi no tabata bezig ku mi “amiga nobo”, mi tabata brasando mi amigunan I hura ku nos amistad lo dura pa semper. Semper nos tabata close ku otro pero e anochi ey kosnan a yega un otro nivel. I mi “amiga nobo”; Ora 00:30 a bati nos tabata konose otro precies mei ora. Pero toch den mi kurason esaki tabata futuro mama di mi yunan. Pero dikon mi tabata pensa asina ?


XTC ta un droga manera niun otro ku mi a yega di tuma. E nomber full ta Ectasy. Oxford dictionary ta difini e palabra aki komo: den un estado di felisidat kompletu. Paso ora bo tuma e droga aki, lo bo sintibu e hende di mas felis na mundo. Esaki ta posibel dor ku ora bo tuma e droga e ta buta bo mente los un stof ku yama Dopamine den kurpa. Dopamine ta e stof ku ta lagabu sinti plaser. Pensa bek riba tur e bianan ku ora bo tabata intimo ku bo partner I bo a climax of bo a kome algu dushi of asta sport. E sensashon di plaser ku bo a sinti ey, tabata un kausa direkto di dopamine.


Wel, e anochi ey, plaser tabata e palabra di momento. Tur hende tabata stima otro. Unda kubo bira, tabata tin bailamentu brasamentu I otro…aktividatnan… Ami I mi “amiga nobo” den nos mes mundu. Tur bia ku mi wak den su wowonan mi kurason tabata bati mas duru. Kada toke tabata sinti manera un shock dor mi kurpa. Nos tabata mei mei di winter pero nos a soda manera ta pleno zomer. Tog nos a tene otro menera ta nos dos so tabata den e edifisio ey. Pa esnan ku a wak “Titanic”; e tabata Rose I ami Jack. Dje intenso ey e sintimentu tabata. Un momento ku te ainda ta lagami hari, ta ora hende a pasa inturumpi nos djies bisa nos kon bunita pareha nos ta. Mare na ke sa ku ta e anochi ey nos a konose otro.


E anochi a progressa. E kosepto di tempu a wordu lubida. E uniko kos ku nos a keda korda ta e momentonan huntu. Ami kune I ami ku mi amigunan. Ami I mi “amiga nobo” denter di tur e chaos a hanja un momento pa nos so atrobe. Ela hari kumi I trek mi man den direkson di e fietsenstaling. Mi a drei wak patras I simplemente zwaai mi amigunan ayo. Despues, mi a lage mi guiami. Nos a kana man tene I disparse huntu den e suku di anochi. Sinseramente, un anochi ku lo keda kumi te dia mi laga e mundu aki.

Next time:
Kapitulo final: Mi a teme pa mi bida

Leave a Reply

Your email address will not be published. Required fields are marked *

What do you think?

4 points
Upvote Downvote

Total votes: 4

Upvotes: 4

Upvotes percentage: 100.000000%

Downvotes: 0

Downvotes percentage: 0.000000%

Sex, Baile I XTC (parti 1)

Politikeria i hòrtamentu: Dushi Kòrsou ta