in

Mi bida den gara di droga Shrooms: Un biahe pa otro mundu

Shrooms

Shrooms: Mi a yega mi di kuater aña na hulanda. Pa e tempu aki den mi bida mi a bira un “experto” den marihuana. Ma kuminsa huma na okashon pero despues di sera sierto amistadnan mi humamentu a bira mas regular. Mi a experimenta hopi ku diferente tipo i asta gradua na traha mi mes space cake. Sin embargo, despues di un eksperensia no muchu agradabel ku a kulmina ku mi kabes den pochi i belmentu di ambulans, mi a konklui ku mihó mi laga esei pa e ekspertonan. E bon i malu di mi karakter ta, ku mi ta kurioso. E kuriosidat ei a butami yega na hulanda i traha pa tur loke mi tin. E la lagami eksperensia kosnan bunita i kosnan menos bunita. Den kua kategoria e historia aki ta kai, mi ta laga na abo. 

Tabata e zomer di 2018, un temporada partikularmente bunita. Solo tabata bria, bikini-seizoen a kuminsa i mi a kaba di termina un bunita stage den eksterior. Apesar di tur esaki, mi no tabata kontentu. Den e mesun temporada aki, un hende hopi serka di mi a fayese, mi di dos frei a termina nos relashon i apesar di tur mi esfuerso i sakrifisio, mi a tende ku lo mi no gradua e aña ei. Henter e situashon a lagami mentalmente kansa i frustra. En korto, tabata un momento hopi baho den mi bida.  Sirkunstansianan perfekto pa wordu tenta pa purba algu mas fuerte. Diferente bia mi a mira mi amigunan huza shrooms. Mi a mira nan bira asina loko, ku kumunikashon ku nan tabata kasi imposibel. Nan a ofresemi shrooms, pero semper mi a ninga bou di e pretexto ku mi no kier a krusa e liña ei. Pero e temporada ei, un skruf a los den mi kabes. Mi no tabata tin kunes, basta mi haña e distrakshon ku mi ta buska. Mi a bisa mi amigunan ku mi ke huza ku nan. Nan reakshon tabata un meskla di konfushon i kuriosidat. Komo kortesia nan a puntrami “are you sure bro”.  Sin duda, mi a kontesta “si”. 

Durante e trip, mi emoshonan tabata subi baha manera un fli den kuaresma.

Un siman despues, mi a sinta ku nan den un sirkulo kla pa hasi esun kos ku mi a hura di no hasi. Mi tabata nervioso pero mi nesesidat di escape tabata mas grandi ku kualke duda ku  mi tabata tin. Nan a dunami mi shroom, mi a hinke den pindakas pa kamufla e smak marga i despues kome. Pa maximalisa e efekto di e droga nos a bai kana den mondi.  Mi no por bisabu kuantu ratu nos a kede den e mondi. Sa mi sa ku ora nos a drenta tabata merdia. Ora porfin nos a sali, luna i e streanan  tabata nos guia. Durante e trip, mi emoshonan tabata subi baha manera un fli den kuaresma. Na un momento mi tabata hari so i na otro mi tabata rustig. Mi tabata huntu ku mi amigunan pero asina mes mi tabata den mi mes mundu. Mi a isola mi mes, pone mi earbuds nan den mi orea anto buta “stranger in Moskou “ di Micheal Jackson riba repeat. Mi mundu a para bira  tres dimensional(3D). Blachinan bèrdè a para bira blou, mi tabata move mi man i mira tur kolo di regenboog. Tur kriatura den  e mondi nami pareser tabata  baila riba ritmo di e muzík. Palunanan dies meter haltu tabata bùk pa bisami bon bini den nan luga. Grasveld tabata move manera ola den laman. I sinitimentu di plaser i seguridat a kompañami pa mayoria parti di e trip. Aki mi a sinti ku mi tin mag di ta kwetsbaar. Sin pensa, mi a habri mi man i laga tur emoshon ku mi tabata tin wanta sali for di mi kurpa. Tabata komo si fuera un dam a kibra i tur awa a kore sali, tur mi tristesa, mi rabia i mi angustia. Mi a kai na rudia, i pa prome bia den loke ta sinti manera hopi aña, mi a yora.  E imagen di mi amigunan konsolandomi a keda eternamente graba den mi mente…..

Otro bia:  Baile, sex i XTC ( 18+)

Leave a Reply

Your email address will not be published. Required fields are marked *

What do you think?

2 points
Upvote Downvote

Total votes: 2

Upvotes: 2

Upvotes percentage: 100.000000%

Downvotes: 0

Downvotes percentage: 0.000000%

Depresion y Suicidio entre Hende Homber

Arte di Rèp: Deyon, Rei di Punchline?