in

Depresion y Suicidio entre Hende Homber

Un frase cu sigur no ta desconoci den mayoria cultura especialmente den Caribe y Latino America ta “homber of mucha homber no ta yora”. For di e prome momento cu un mucha homber ta cai of herida su mes y cuminsa yora e ta wordo bisa cu esaki no ta algo cu mucha homber ta haci y cu esaki no ta aceptabel. Ta evidente cu mayoria ser masculino no ta expresa sentimento of ta papia abiertamente tokante topiconan sensitivo manera depresion, suicidio, dolor emocional y sexualidad. Como resultado, hopi hende homber ta sufri den silencio y ta evita di papia cu un profesional, persona di confiansa of den un grupo di amistad ora ta trata di topiconan delicado asina. 

Cultura y sociedad a condiciona hende hombernan di edad hoben caba pa ta fuerte y no expresa emocion of yora paso esaki ta un caracteristica di hende muher y haciendo esaki bo ta demonstra cu bo ta debil. E necesidad pa combersacionan abierto tokante depresion y suicidio entre hombernan ta birando mas grandi. Apesar cu rond di mundo e ser feminino ta esun cu mas biaha ta wordo diagnostica cu un forma di depresion y intento di comete suicidio, mas hende homber compara cu hende muher ta comete suicidionan exitositamente. E motibo tras di esaki ta varia segun caso. Aunke un factor cu ta hunga un rol grandi ta comunicacion como cu hende muhernan ta papia mas habri tocante depresion, suicidio y problemanan di relacion, mental y emocional mientras hende homber no. 

Aunke e prome señal y simptomanan di depression den hende homber no ta diferencia hopi cu esun den hende muher, tin algun simptomanan cu ta conoci pa manifesta y ta evidente den hende homber cu ta sufri di un of otro forma di depresion cu ta inckui:

  • Disfuncion sexual y erectil 
  • Fatiga y falta di energia
  • Problema cu comemento (subimento di peso of bahamento exesivo di peso den corto tempo)
  • Expresa rabia of frustration (fisicamente) ora ta sinti tristo y miedo
  • Cambio den comportacion (ta bira abusivo, kier tin control ariba tur cos y persona, ta bira violento)
  • Inabilidad pa concentra
  • Isolacion y menos contacto social (ta papia menos)
  • Falta di interes den hobby, trabao of cosnan cu antes tawata placentero
  • Uzo di droga y of alcohol 
  • Problema cu drumi y insomnia 
  • Pensamento di suicidio

Mayoria homber cu no busca ayudo pa cu nan depresion por bira casonan di depresion cronico y cu esaki tambe por aumenta e probabilidad di intenta un suicidio y den mayoria caso haci esaki completamente.  

Causante

Segun algun estudio, e causante di depresion en general ta varia pa persona. Den algun caso e por ta causante di genetico, circumstancia social y ambiental y den otro casonan un combinacion di ambos. E presion di cultura pa hende homber no expresa emocion of pone nan mes den un posicion vulnerabel por causa cu e hende homber cu simptomanan depresivo no ta ricibi e ayudo necesario na tempo. Otro causantenan ta inclui problema di relacion, perdida inespera di trabao, problema di salud, separacion of divorcio, uzo di droga y alcohol, y isolacion. 

Ta importante pa tuma nota cu depresion y ansiedad en general por afecta sierto hende homber mas cu otro, por ehempel:

  • Hende homber hoben
  • Tatanan nobo
  • Hende homber riba 65 aña di edad
  • Hende homber desemplea
  • Hende homber cu ta identifica nan mes como gay, bisexual, transgender of un otro orientacion sexual
  • Hende homber cu ta consumi droga of alcohol
  • Hende homber cu un disbilidad, problema di salud of malesa cronico. 

Si bo ta sinti cu pa e ultimo simanan of lunanan bo tin simptomanan di un persona depresivo, papia cu bo docter di cas y asina cuminsa e caminda pa haya ayudo psicologico. Tratamento medico ta solamente un parti di e proceso pa rehabilita. Ayudo y guia psicologico y tambe social ta esencial pa asina garantisa cu e problema di depresion ta ser trata ariba tur nivel y no solamente trata e simptomanan. Depresion ta un problema mental y emocional existente pa hopi aña caba, y pa hende hombernan cu tin esaki e caminda pa haya ayudo no mester ta algo secreto of un combersacion prohibi. Ta importante pa tuma e prome paso cual ta papia mas abierto tokante depresion entre hende homber. Finalmente ta importante pa e hende homber no tene berguensa di expresa emotion of tin miedo di ta den un posicion vulnerabel ya cu esaki ta algo normal cu por pasa cualkier persona. 

Leave a Reply

Your email address will not be published. Required fields are marked *

What do you think?

1 point
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

Kon pa gosa di sèks mas tantu komo hende muhé?

Mi bida den gara di droga Shrooms: Un biahe pa otro mundu