in

Kon pa gosa di sèks mas tantu komo hende muhé?

Afbeelding met buiten, persoon, vrouw, gras

Automatisch gegenereerde beschrijving
@ nappy

Hende muhe i gosa di sèks? Esei ta posibel?! Klaro! Pero dikon nos no ta papia mas habri over di e topiko aki?

Nos hende muhé no sa papia fasil tokante kiko nos mester pa sinti plaser. Esaki tin diferente motibu. Lo sigiente.

  • Hende hòmber su plaser ta mas fasil i mas importante.
  • Ora hende muhe papia di sinti plaser dor di hasi sèks e ta un p*ta.
  • Pa un hende muhe tin plaser den sèks ta komplika.
  • Hende muhe ta ‘santu’ i no mag papia over di e kosna’i ( i pa hende hòmber ta normal).

Nos mayornan nunka a papia di gosa di sèks. Nan ta focus solamente riba e konsekuesia ku sèks por tin manera sali na estado of haña un malesa veneriko. Pero tempu ta kambia i nos ke sa mas tokante di nos mes i kon nos por eksplora e diferente aspektonan di bida, manera gosa di sèks.

Den artíkulo aki mi ta dunabu 5 teps kon bo por gosa di sèks for di awe mes.

  1. Kambia bo manera di pensa tokante di sèks
    Esaki ta posiblemente e tep di mas moeilijk i ku lo tuma mas tempu. Manera ma menshona ariba nos a wordu lanta ku gosamentu di sèks pa hende muhé ta un tabu. Pa bo vense e pensamentu aki bo por kuminsa puntra bo mes kiko ta wantabu pa sinti plaser ora bo ke hasi sèks. Puntra bo mes di unda e pensamentu aki ta bini. Despues spreek af ku bo mes ku bo ke kambia di pensamentu i skibi kon bo ta bai mira sèks for awe en adelante. Manera mi gusta sinti sinti plaser den sèks, òf mi ta laga mi kurpa guia mi pa mi gosa di sèks. 
  2. Sèks no ta solamente penetrashon
    Pa motibunan manera entre otro (hard core) porn i e echo ku e kultura popular ta hisa e plaser di hende hòmber nos tin e kreensia ku hende muhé ta sinti plaser of ta haña nan orgasmo dor di solamente penetrashon. Estudionan ta indika ku dor di penetrashon ta un grupito chiki di 25% ta yega na nan punto maximo. Pero ku e grupo mas grandi (70%) ta hanja un orgasmo dor di stimula e clitoris i otro areanan erotiko*. 
  3. Eksperimenta, eksperimenta, eksperimenta!
    Kada un di nos ta uniko. Loke ami gusta porta bo gusta, pero porta no. Mane m’a menshona kaba, porn a influensha nos pensamentu over di kiko ta sèks. Sèks no ta un one size fits all. Pesei ta hopi importante pa bo konose bo mes, dùs pone man na obra i eksperimenta. Eksperimenta ku bo mes (esaki ta hopi importante), pero eksperimenta ku bo partner tambe!
  4. Join un grupo (online), kaminda papia over di sèks ta normal i aseptabel. Nos ta biba den un mundu ku un abundansia di informashon. I tin ora e informashon ta asina tantu ku bo no sa unda bo kumisa. Dor di join un grupo (online) kaminda bo por papia, pero tambe tende of lesa eksperiensia di otronan, por yuda pa bo sa kua rumbo bo por kue. Bo no tin nodi di inventa of pensa tur kos bo mes.
  5. Tuma bo tempu. Tuma bo tempu pa bo konose bo kurpa. Mane nan ta bisa: “Roma no a wordu traha den un dia”. Traha tempu pa bo eksperimenta. Pone bela, mùzik soft, rilèks i enjoy bo mes. 

Sèks ta un momentu hopi vulnerabel pa e ser humano i sigur pa un hende muhé. Pero tambe un momentu hopi bunita ku ta dunabu e oportunidat pa sera konosi ku bo mes mas mihó. Nos tur ta riba e mundu aki pa sinti alegria i plaser.
Esaki nan ta e tepsnan ku mi tin pa bo awe. Mi ta kurioso si e teps nan aki a yuda of ku bo tin otro teps. Si ta asina komparti esaki ku nos!

XO, 

A. 

*Saka for di e site aki.

Photo from nappy from Pexels

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Black Lives Matter ta importante pa NOS tambe!

Depresion y Suicidio entre Hende Homber