in ,

Black Lives Matter ta importante pa NOS tambe!

Riba 1 di yüni tatin e protesta solidario na Amsterdam pa e movement di Black Lives Matter. Miles a aglomerá pa asina huntu uni i sostené e komunidat pretu na Merka pero tambe na Hulanda i otro kaminda.

Kiko esaki ta nifiká pa Yu Di Kòrsou na Hulanda? Kiko esaki ta nifiká pa Arubano na Hulanda? Kiko esaki ta nifiká pa Boneriano na Hulanda? Dikon esaki ta un lucha importante pa nos di ABC tambe?

30  di mei 1969 tabata un dia sumamente importante kaminda e relashon entre rasanan na Kòrsou a kambia signifikamente. Nos ta konmemorá i rekordá e dia tur aña di nobo pero nos ta paga tinu riba kiko e ta nifiká pa nos awendia? Kiko e relashon di poder entre pretu i blanku ta na Kòrsou? Kiko e relashon di poder entre Kòrsou ta ku Hulanda? Kon e relashon ei ta afektá nos yu nan di tera na Hulanda?

E lucha aki tabata mas ku djis tokante e echo ku George Floyd a fayesé den un manera kruel. E abuso polisial ta djis un sítoma di e rasismo institushonal ku tin na Merka. E rasismo institushonal na Hulanda ta (kasi) invisibel i e ta rèk yega nos dushi islanan tambe.

Kiko ta rasismo institushonal?

E ta un diskriminashon di rasa ku a establesé su mes komo nòrmal den un sosiedat òf organisashon. Ela bira un kustumber i ku kasi bo no ta detekt’é. E ta undercover. E ta un forma di rasismo ku a implantá su mes den varios area di sosiedat. Bo ta mira su efektonan den rikesa, entrada finansiero, hustisia, empleo, edukashon i hopi mas.

Na Hulanda e rasismo institushonal ta mas bisto ku na Kòrsou pero asta asina e no ta riparabel ku kosnan konkreto i físiko. Un ehèmpel: Algun aña pasá un Yu di Kòrsou (Reedie) a wòrdu yamá “boef uit Curaçao” via e-mail ora e tabata wardando kontesta bèk despues ku ela solisitá.

Reedie no tabata suppose di mira e e-mail pero e trahadonan di e banko ING a bruá manda e mail p’e tambe ora nan tabata komunikando ku otro. Esaki ta djis 1 ehémpel. Na Hulanda tin varios estudio hasí di kon hende di koló ta sufri di rasismo institushonal. Por ehèmpel:

a. Hende di koló ta haña trabou of stage menos lihé

b. Polis ta diskriminá riba etnisidat den kasonan sospechoso

c. Strafnan pisá riba trafikashon i benta di droga, pero no esnan ku ta usa

d. Diskriminashon di etnisidat di belastingdienst

e. Muchanan di koló (otro nashonalidat) ta wòrdu ningá na skolnan

I mi no a ni papia di e fenomeno di Zwarte Piet. Asina na Hulanda tin diferente maneranan mas ku e blanku ta (in)konsientemente tene e pretu abou. Kada bia nan ta pensa manera nan sutil pa hustifiká nan mes. Pero kon ku bo bir’é e ta keda rasista! Pesey Black Lives Matter ta importante pa nos tambe!

This post was created with our nice and easy submission form. Create your post!

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Ora tur kos pasa

Kon pa gosa di sèks mas tantu komo hende muhé?