in

Ora tur kos pasa

@BOHIMIO

Miéntras tantu tin hende ta bringando pa nan bida, otronan mester traha pa ekonomia no bin abou por kompletu. Otronan a keda desempleá, miéntras tin hende no sa mes kon nan lo kome mañan. Tin ta hasi nan mes infelis dor di bringa e kambio ku tei kaba i ta inevitabel, alabes ta puntra nan mes ta kon nos ta bai sali for di e situashon aki. Sierto a pèrdè un ser kerí sin por a tuma e lastu despedida, kaminda tin hende a kaba di haña sa ku nan ta na estado nèt awor ku mundu ta ariba bou. 

Tur esten e sifranan di soledat i problemanan mental ta oumentando, maneranan nobo pa dirigí komunidat a wòrdu implementá, matrimonio i bibá di sierto ta wòrdu poné na prueba, material no ta asina importante mas manera nos a pensa, a realisá ku famia i salú ta bini promé, futuro di mañan ta pinta hopi insigur, muchanan su edukashon ta un punto grandi di prekupashon, distansia sosial a revelá inteligensia di nos pueblo.. nos tur su bista ta fihá riba un kos; e dia ku e pandemia covid-19 aki pasa i nos por sigi ku nos bida. 

Kon lo bai sigi ku nos bida diario? Nos lo bai na ‘nòrmal’ bèk? Manera tur kos tabata promé ku e pandemia? Kuantu kos lo bai kambia? Kiko lo bai kambia? Kuantu e kos aki ta bai dura? Tur e preguntanan aki ta tene nos lantá anochi òf ta pone nos para un ratu ketu den dia. Pero ban ta honesto, bo no ta puntra bo mes òf sinta fantasia kiko lo ta e promé kos ku bo lo kier hasi ora e dianan di karentena aki pasa? Sigur hopi hende lo kier:

Bai kas serka nan famia ku ta biba na un otro parti di mundu,

Kore duna mama un brasa duru paso bo no tabata sa ku bo por sinti su falta asina tantu,

Bai serka wela sin miedu,

Bishita e persona ku bo no a wak masha tempu paso bosnan a rabia ku otro pa ko’i kèns atrobe,

Kontakto físiko en general i sinta dal dos tres drinks ku amistades,

Movienight ku bo amiga/u nan.

Traha riba e plan ku abo ku partner masha tempu a posponé.

‘Hit the club’  i bebe bai kas di banda.

Dal un bon trùk di pan.

Kumpra bo kòfi preferí na bo lugá di tur dia.

Dal un pelá frèsh frèsh atrobe.

Bai wax tur kaminda di bo kurpa, hasi kabei i uña.

Bai misa i ta huntu ku e rumannan den Kristu.

Kumpra un pasashi pa kualke kaminda na mundu. 

Kue e promé buelo pa bai kaminda bo kurason ta desea.

Djis sinta den avion i skucha e stiwardès su stèm.

Landa, sinti e santu mishi kubo pianan, spanta pa e piská ku a mishi ku bo man.

Sinti ku bo ta liber i tin kontròl riba bo bida bèk.

Aunke nos no por hasi esakinan ahinda, sí nos por alegrá nos mes dor di pensa positivo. Loke nos konosé komo nòrmal lo bai haña un otro forma i nos mester prepara nos mes mentalmente p’é. Traha riba bo futuro lo haña un otro direkshon pero e plan lo keda meskos. Tur hende ta den mesun situashon (tin mas pisá ku otro si) i ta anhelá mesun kosnan paso nos tur ta humano, esaki ta un echo. Korda ku ‘yoradó lo no yora largu’ i ‘awa no por yobe pa semper’. Ta fuerte!

Ku amor,

Raedreamer

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Mi bida den gara di droga: E tentashon di Marihuana

Black Lives Matter ta importante pa NOS tambe!