in

Mi bida den gara di droga: E tentashon di Marihuana

Marihuana: Konosí na ingles komo un di e gateway drugs nan. Dikon ? pasó aparentemente si bo huza e droga aki e chèns ku den futuro lo bo huza algu mas fuerte ta subi ku 33,6%. Mi ta imaginami ku tin hende lo pensa “ta disiplina bo mester tin, ku mi lo e no pasa, Dios mester libra”. Mi tambe a pensa meskos. E promé bia ku mi a dal e ma pensa “te aki i no mas leu” Pero ja. Manera nan ta bisa na spañó; “Error es humano”.


Keremi of laga, mi promé enkuentro ku marihuana, no tabata na Hulanda pero hopi mas serka di kas. Mi tata tabata dal su kos basta regularmente. Mi ta korda na sierto momentonan ku mi mayornan tabata pleita i despues mi tata ta disparse i bin bèk wowo kora. Naturalmente, kosnan asinaki no ta bon pa niun matrimonio. Mi mama a butami primintí ku mi lo no bira meskos. Mi tin gani sa kon lo e reakshona si un dia mi kont’é ku ma sali mas mi tata ku ela pensa. Añanan a pasa, mi a krese i mi a yega Hulanda. Mi prome lunanan a pasa reletivamente rustig. Rond december ma konose mi promé frei aki na Hulanda. Un mucha muhé inteligente, mente habrí i kurioso. Kalidatnan ku vooral e temporada ei mi tabata buska. Nos tur dos a bini for di klimanan relativamente “konservativo”. I den otro nos a haña un partner pa ekspirimentá huntu. Ami tabata pusha su bareranan i e dimi.


Asina un dia mi tabata den su kamber. Kasi out of nowhere ela puntrami si mi a yega di purba marihuana. Mi tabata honesto kune. Ma bise personalmente nò pero mi tin eksperiensia kune debí na situashon familiar den pasado. Ela bisa ku e tin gan’i purb’é i si mi ke hasi’é huntu kun’é. Ora ela puntrami e kos ey mi kurason a kuminsá bati mane tambú. Na promé instante ma bis’é nò. Pero mi tabata habrí pa skucha su argumentonan. Mi a lag’é papia ku tur mi pasenshi pero asina mes, e dudo/ konsenshi no a lagami trankil. M’a komuniká esaki kuné. Ela dunami un sonrisa manera e so por i wak mi intensamente ku e wowo blounan di dje. Den un ulitimo intento pa konvensemi ela bisami ku hopi pareha ta bisa ku e ta bon pa nan bida seksual. Ami pensando ku mi kabes chikí, a wòrdu konvensí. Kiko ta e kos di mas pio ku por pasa?

Ademas, mi ta konfia e mucha aki (asina semper e ta kuminsá; ku un hende ku bo ta konfia). E mesun momento ey nos a lanta i bai kumpra un gram. M’a lor’é huntu kuné. E momento promé ku mi a hum’é. Mi a pensa riba mi mama, mi wela i tur otro hende serka di mi. Mi a mira nan kara di desapuntu mi dilanti. Tòg mi a sera mi wowo i hala mi promé trèk. No a dura muchu pa mi sinti e efektonan. Mi tabata sinti manera e kamber ta drai. Mi múskulonan a bira swak, i un sintimentu di zweef a yenami. Tur kos tabata move lento i mi bista tabata wazig. E uniko kos ku mi por a mira klaramente ta mi frei su kara. Ela dunami un sonrisa i habri su brasanan pa mi. Mi a aserk’é. Ela tenemi duru i dunami un sunchi riba mi frenta. Nos a terminá riba su kama den otro su brasanan. Loke m’a pensa tabata un aventura di djis un bia, a resultá di ta solamente e kuminsamentu. Mi relashon ku droga a kuminsá..


Fuente:

Secades-Villa, R; Garcia-Rodríguez, O; Jin, C. J.; Wang, S; Blanco, C (2015).
Next time: Shrooms: Un biahe pa otro mundu

Leave a Reply

Your email address will not be published. Required fields are marked *

What do you think?

6 points
Upvote Downvote

Total votes: 6

Upvotes: 6

Upvotes percentage: 100.000000%

Downvotes: 0

Downvotes percentage: 0.000000%

F*ck Hans Andriessen: Pero Kiko Awo?

Ora tur kos pasa