in ,

Dikon m’a stòp ku sèks

“Ora ku bo drumi ku un hende no ta bosnan kurpa so ta bira un, pero spiritualmente tambe bo ta bira un.” Mi amiga tabata papia yen siguridat. Mi tabata band’i dje sintá, riba un banki pafó di klas. “Hmmm.” M’a hisa mi kara, wak e plenchi di skol mi dilanti. No ta zona mane ko’i loko… m’a pensa.

Pero nunka mi’n tende di e kos ei. Anto ta ki e ko’i ta nifiká? Por ta bèrdat? Tur e bia nan ku m’a drumi ku mi frei ei, nos a bira spiritualmente ‘un’? Ta kon e ko’i lo mester sinti? Mi sa sigur ku mi no a sinti nos almanan smèlt huntu riba niun kama, òf ku nos no tabata nos mes mas. “Si, hende ta kere ku ta djis sèks, pero e ta bai muchu mas diep k’esei.” mi amiga a sigui papia. Mi sa ku e no tabata papia djis pa papia, paso shon tabata kristian, anto ATM, bo mes sa, ‘apstene te matrimonio’.

Nos tabatin 17 aña, anto ami a kaba di bira kristian (but that’s a whole other story).  E dia ei, sintá riba banki na skol, m’a tuma e desishon -sin sa ku e tabata un dje mihó desishonnan ever, pero tambe un ku lo kosta hopi na esfuerso- ku mi ta bai stòp ku sèks. Den mi mes mi di “mi ta bai warda, basta Dios dunami un bon gai.” Mi no tabatin un idea ki m’a hinka mi mes aden, pero mi tabata ready ready. Yùp, no more dick for me. Mi tabata sigur di mi mes. Tabata mi desishon i mi promesa. Mi’n bisa niun hende, e kos tabata entre ami ku Dios.

Pero mi tabatin tantu pregunta si! Kiko awo si despues di kasa bo haña sa ku e tin un ko bon chikí? Ku e no por nada? Kiko awo? Bruh. Promeé ku m’a disidi di stòp ku sèks, mi tabata haña henter e ko’i apstené ei ko’i kèns. Anto kasamentu pió. Pero tòg ma disidí di stòp. Segun mi amiga, ku e tin un ko chiki, anto ku e ta malu den kama no mester ta dje un big deal ei si di bèrdat bo ta stima otro. Anto plùs e sèks lo no bai keda malu semper, paso bo tin ku siña konosé otro su kurpa. E tabatin un punto, paso p’ami tambe sèks no tabata na promé lugá. Awèl asina m’a kuminsá mi ‘celibacy journey.’ Sin niun duda ku lo mi tabata por a want’é si òf nò. Mi tabata desidido ku lo mi a warda te ora the right man comes along. Mind you, e tempu ei ami ku mi frei, ku tabata bon pida yalurs i obsessed, tabatin un relashon kaminda sèks tabata nos ko’i kome i nos ko’i bebe. Nos t’ei sali? Sèks. Nos ta rabiá ku otro? Sèks. Nos ta bon ku otro? Sèks. Nos ta sinti otro su falta, pero nos ta leu fo’i otro? Phonesex.

Nunka m’a pensa ku nèt ami lo a tuma e desishon ei. Si un hende lo a bisami delantá ku lo m’a stòp libremente, lo m’a yam’é loko. Pero e tempu ei, sin ta na nodi, sèks tabatin un lugá muchu importante den mi bida. Mi tabatin mester di algu otro, mi tabatin mester di mi mes, mi tabatin mester di un komienso nobo, un tipo di libertat nobo…

Duele? Hell nah.

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

A yega e momentu pa nan siña papiamentu

F*ck Hans Andriessen: Pero Kiko Awo?