in

Kibrando e Taboo – Pareha di Mesun Sexo

Den mayoria sociedad rond di mundo, amor intimo y sexual ta wordo acepta y comprond’i bou di relacion entre heterosexual. Contrario di e creencia di kico un relacion intimo y sexual ta consisti di dje, awendia mayoria persona rond di mundo ta scohe pa tin un relacion di diferente forma por ehempel cu un persona di e mesun sexo. Prome cu tur cos, e ta importante pa compronde y destingi kico ta nification y diferencia entre sexo of gender di un persona y orientacion sexual. E palabra sexo of gender ta nifica “identidad di un persona por ehempel masculino of femenino.” Ora nos ta papia di orientacion sexual (sexual preference of sexual orientation) esaki ta referi na e gusto y attrraccion den un persona den un forma romantico, y of intimo.  

Motibo pa Keda Sconde den Closet 

Pa hopi persona di e comunidad LGBT especialmente hoben, e ta dificil pa sali den comunidad abierto como miembro di e LGBT community. Un factor cu ta hunga un rol den esaki ta nos custumber y balor como un comunidad. Te cu awendia e religion mas grandi na e islanan ABC ta e religion Catolico. Pa e motibo aki, hopi persona cu ta forma parti di e religion Catolico ta biba segun e norma y balor di nan religion. E motibo nan dicon un persona ta scohe pa no sali for di e cashi ta varia entre otro:

  • Auto estima abou, inseguridad di nan mes y e sentimento cu e no ta pertenese na e sociedad. Te cu awen’dia no tin un ley ‘descriminatie wet’ contra prohibition di abuso y descrimination contra e LGBT community. 
  •  Miedo cu sociedad y e comunidad no lo acepta nan.
  •  Motibo di religion of balor familiar na cas.
  •  Miedo cu famia of trabou haya sa cual hopi biaha por resulta di wordo saka for di cas y kita for di trabou. 
  • Ta biba den un vecindario cu ta homofobico (‘anti-LGBT’) 

Bullying y Descrimination Contra e Comunidad LGBT den Caribe

Den Caribe nos conoce hopi descrimination y bullying cu ta tuma lugar contra e comunidad di LGBT. Rond di mundo incluyendo Aruba, Boneiro y Curacao e statistica di bullying ta creciendo y hopi biaha esaki no ta wordo raporta pasobra te ainda mayoria pais no tin un ley pa proteha un persona cu ta gay contra descrimination, harassment of bullying.  E forma nan di bullying y descrimination ta varia entre abuso verbal, emotional, fisico, vandalismo, y te asta haya menasa di otro persona.  E realidad na Aruba ta cu esaki ta pasa hopi frequentemente. Segun fuente nan na Aruba tin hopi caso di persona cu ta wordo menasa na cas, trabou y den comunidad simplemente paso nan ta forma parti di e comunidad LGBT. Hopi biaha e menasa nan aki ta asta inclui morto. 

Kico e Amienda di Gerigestreerde Partnerschap ta Nifica?

Cu e aprobacion di e amienda pa pareha di mesun sexo por registra pa e union civil y haya derecho di un pareha casa y tambe e proceso di divorcio lo ta uno mas facil. E beneficio di esaki ta cu tur persona cu ta forma parti di e comunidad LGBT lo por haya e mesun trato igual y reduci e stigma y descrimination contra nan. Aparte di esaki e ta nifica tambe cu nan por forma un hogar y forma parti di un seguro hunto manera un Seguro Laboral y di Bida y den momento nan cu un di e pareha ta den hospital, e por tin derecho di dicidi over e tratamento di nan ser keri.

E Futuro pa e Comunidad LGBT

Te ainda e no ta sigur con e futuro ta pinta pa mayoria pais encuanto e topico di LGBT Rights. Awendia hopi pais incluyendo Aruba ta birando mas abierto pa compronde y siña conoce mas tokante e comunidad LGBT. Pa hopi persona cu ta forma parti di e comunidad LGBT e no ta facil pa expresa nan mes of trece delanti con nan ta sinti. Cu e popularidad di medio social y con lihe e mundo ta modernisando, e sosten pa e comunidad LGBT ta birando mas grandi. Pasobra e cantidad di e populacion mundial ta hetero sexual, e ta nifica cu e aliansa y sosten mas grandi pa un persona di e LGBT community ta e comunidad heterosexual. Pesey e ta importante pa nos por compronde y ta abierto pa scucha y trata otro cu e mesun respet y derecho humano. 

Derecho humano no ta un privilegio, si no un derecho cu tur hende mester por tin aceso na dje y sinti cu nan tambe ta forma parti di e comunidad. Ainda tin hopi hopi cos pa wordo haci pa cambia e division di un sociedad pa motibo di sexualidad. Hunto como un comunidad henter nos por haci un diferencia y mustra cu union por trece cambio positivo cu nos ta desea di mira. 

Leave a Reply

Your email address will not be published. Required fields are marked *

What do you think?

1 point
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

Boechi x Trop x Grif – Moru Bondia (prod. Luigii)

A yega e momentu pa nan siña papiamentu