in

Mi bida den gara di droga

Kua dinan bo yeg’i dal?

Droga: komo hobenan yu di korsou, nos tur a haña e voorlichting na skol. Sierto frasenan ainda lo ta zona klaramente den mayoria di nos su kabes: No huza droga, keda leu, e ta daña bo bida of e ta hinkabu stret den perdishon. Esakinan simplemente ta algu di e kosnan ku nos mayornan a bisa nos pa impedi ku nos ta kana e “mal kaminda”. Pero kon ta sigui ora nos sali for di kas di nos mama? Kon nos ta hasi ora nos kuriosidat kue nos kompletamente den su gara; I nos kuminsa hunga un wega di bida of morto?

 Ami semper ma konsidera mi mes un persona rashonal, pero kurioso. Mi tin mi mes opinionnan, pero mi ta habri pa di otro hende; basta nan  sa kon onderbouw e bon. Mi kuriosidat a hibami leu den bida. Mi a ekperiensia kosnan bunita, pero tambe kosnan menos bunita ( pa pone leve).  Asina ora ma bin studia nan Hulanda, mi tabata tin e suerte di biba den un kas pa studiante internashonal. M’a konose hende di tur skina di mundu. Diferente bia, nos a sinta, kombersa i komparti nos ideanan ku otro. E hendenan aki a lagami sera konosi ku hopi kosnan nobo. Entre otro; e mundu di “party drugs”.

Den e serie di artíkulo aki, ami lo bai komparti ku boso mi eksperensianan den e mundu di party drug. Kon mi a kuminsa, kon mi kurpa a reakshona riba e droganan i asta kon mi tabata teme pa mi bida na sierto momentonan. E ophetivo di e serie aki, no ta pa kambia opinion di niun hende, pero simplemente informa. Nos lo kuminsa rustig i lentamente yega na e susesonan mas intenso.

Uso di droga ta algu hopi tabu riba nos isla. Pero tog hopi di nos a skohe pa bin biba riba un luga kaminda kosnan manera: droga, sèks i otro kosnan “straño” ta menos tabu i asta bespreekbaar den sierto setting informal. Mi ta invita boso tur pa djoin mi den e serie aki, titula: “Mi bida den gara di droga”

Next time: 

E tentashon di marihuana

Leave a Reply

Your email address will not be published. Required fields are marked *

What do you think?

2 points
Upvote Downvote

Total votes: 2

Upvotes: 2

Upvotes percentage: 100.000000%

Downvotes: 0

Downvotes percentage: 0.000000%

Ken mi ta?

Ritmo Real – Low ( Official Video)