in

Karta pa e muhé di kolo!

Bosa kiko ta bunita? E muhe di kolo, esun lep diki, nanishi grandi ei. Bosa k’i ora nan ta matami?  Ora nan sera e kabei duru nan ei na dreadlocks. I kaminda nan ta hasimi debil mes, ta ora nan ta sigur di nan mes! I bo ta mire den su kana… asta den su mirada. Ora e habri su boka e ta kumisa e kombersashon ku sabiduria i kab’e riba e mesun pia!

Pa años kaba den media e muhé perfekto ta wordu deskribi i trese dilanti den sierto forma. Por ehèmpel; kabei las, forma di kurpa delega, nanishi punta, wowo di kolo. Pa SER esakto e rasa nan di west i tur loke parse.

Klaro ta algu ku nos a lanta kune, kasi kasi bo por bisa e ta doktrina den nos. Ta un di nan nos mester pa drecha famia. E muhe krioyo ta wordu deskribi komo mahos! Si bo ke mira un hombu haña skeit, kas’e ku un muhé blanku e por wak esnan krioyo asta kara fies! Paso e tin un muhé bunita di berdat!

Lubidando ku bunitesa ta un perspektiva i pa kada persona e por varia. I e no ta realisa mes ku e ta hinkando inseguridat den su ruman muhé, prima, tanchi ets. Ku awor nan deseo mayor ta bai Colombia i hasi e nanishi punta, nan ta kla pa prostitui mes pe Peruvian di 400 euro! Kasa ku kualke sugar daddy pa e por kubri gastu di liposuction! Lubidando ku matris si no ta rekonose e “upgrading” nan aki.

I asina nos ta kreando un generashon insigur! Ku ta despresia nan mes i ku low selfesteem. Ku si mi’n ta bunita, mi por ta sexy si. I asina kana mitar sunu pa por haña e atenshon desea.

Klaro mi no ke trese e problema so dilanti. Paso all by all mi ke ta parti di e solushon. Mi mes ta Tata di un “muhé” di kolo! I pa ami desde e la nanse ta esei te deskripshon di un “muhé” bunita! I esei ta loke nos mester hasi mas, ban embrace nos mes rasa! Ban broma kune! Muhénan nan di kolo onderling embrace otro!

Un desaroyo sigur hopi interesante ta esun di kabei natural! Ta nos mes por brand nos mes! Mi kèmen bon nota ku yen ke tin lep diki awo?

Skibi dor di: Furhee

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Chaika X Lady Lava – Pam Pam (Produced by Getamilli & Slick)

4 ser muhé ikóniko den historia di Kòrsou