in ,

Mas ku 10 ta di mas pa un hende muhé?

“Kuantu bo body count ta?” “15”. Diessinku? Imposibel. Ami nò ke un muhé ku tur hende por haña. Den e dékada nobo aki nos por ripará ku tiki tiki nos ta birando mas habrí pa loke ta trata e tópikonan di seksualidat. Sinembargo e tópiko di ‘body count’ ainda ta unu fèrfelu. Body count ta enserá e kantidat di persona ku un hende a tene relashon seksual kun’é.

Sigun un poll riba Twitter— kiko ta un body count normal/ aseptabel pa un hende muhé. Mayoria hende ta di opinion ku e hende muhé su body count mester ta entre 0 – 5. Despues di hasi algun hende hòmber entre 20 pa 38 aña e mesun pregunta aki. Mi por a konkluí ku mas haltu e edat di e hende hòmber ta, ménos e wòri ku e body count di e hende muhé. Pero dikon? E mesun hende hòmbernan mi a hasi e pregunta “Kiko ta un body count normal/aseptabel pa hende hòmber?”. Riba e pregunta aki m’a haña diferente kontesta;

  • “Ya, hende hòmber por tin mas ku 10 mes”
  • “Basta, paso hende muhé ke hende hòmber ku eksperensia tòg?”
  • “Zowizo mas tantu ku hende muhé. Mi muhé su bodycount nò por ta mas haltu ku di mi. No ta tur hende mester a haña mi muhé no.” etc.
Twitter poll

Esaki ta pone ku ora un hende muhé hasi e pregunta na hende hòmber e tin tendensia di bisa un sifra mas haltu pa laga mustra ku e tin eksperensia. Na otro banda hende muhé ta mas kustumbrá di gaña i bisa un sifra mas abou. Te asta kisas keda sin tene relashon seksual ku un hende pa mantené su body count abou. Esaki ta ilustrá ku un body count haltu tin un lus negativo serka hende muhé. Nos por papia di double standards?

Pa e motibu aki tin diferente movementu ku ta sex-positive. Esaki ta movementunan sosial i filosófiko ku ta promové un aktitud positivo tokante sèks. Dor di ta mas komfortabel ku bo mes su identidat seksual i akshonnan seksual di otro. Un di e movementunan mas konosí ta e movementu di Amber Rose— SlutWalk. SlutWalk ta enfoká riba hende muhé riba diferente areanan seksual. Espesialmente pa stòp e kultura di huzga hende muhé pa nan bibá, e manera ku nan ta bisti i ekspresá nan mes seksualmente.

Puntrando un hende kuantu su bodycount ta, por duna e ilushon di “kuantu hende bo tabata íntimo kun’é promé ku mi? Dje fasil ei e ta? Mi ta dispuesto pa ta e siguiente den e konteo?”. Mirando e movementunan ku tin aktualmente, hende muhé nò ke wòrdu huzgá mas pa e manera ku nan a opta pa biba nan bida. Awor e pregunta na abo. E ta nesesario pa puntra un persona kuantu su body count ta? Kiko ta e nifikashon tras di e kontesta ku e duna bo? Kua sifra ta aseptabel pa hende hòmber? Un body count di mas ku dies ta di mas pa un hende muhé?

Skibí pa Jada Rose

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Ser-G – Disfruta

Lil Homie X CJ – Galiña ft. Encho & Chokoi (Kwe)