in ,

Esta difísil ta, pa ta un hende muhe.

Na chikitu nos ta lanta den kas ku yen di regla. Ora nos krese, komunidat ta krea regla nan pa nos.

Un Preshon inmenso tin riba nos paso nos ta dil ku mood swings, cramps, i tambe nos mester sobresali na skol, den nos karera, famia, den nos relashon nan i tur esaki manteniendo un aparensia fisiko atraktivo.

Nos ta biba den un komunidat ku fo’i chiki, nos ta wordu éhendra ku nos mester ta fuerte, nos mester kuida/sostene otro, salba otro i bati kabes den bon i malu. Pero nos ta wordu mal trata/mal huza dor di e mesun hendenan ei. Na final ken ta kuida nos, ken ta sostene nos i ken ta soru pa nos ora nos kai… Ken?

Un di e dolor nan mas inmenso ta ku aparte di tur e esfuero ku nos ta hasi, nos ta wordu buta riba un weegschaal pa wak si realmente nos tin balor.

Sea komunidat ta buta bo riba un weegschaal of si’n kubo ke, nos mente mes ta traha ku nos. Bo ta wordu kompara riba diferente tereno manera; Bo chanchan ta plat i ora bo train,  bo tin muchu stretch marks, bo pechu nan ta chiki of nan ta piho ku slof, bo tin nechi kabei, pero lo e tabata mas nechi si e tabata di straight/lisu.

Na final, ta un pregunta a keda.. Kiko si ta bon?

Tur lokual ku nos ta mira riba social media, kual hopi biaha nos ta wordu husga pe, ta desea i anhela, nan ta kuadra ku realidat?



Pa pone e cherry ribe bolo, ora bo kere, kubo ta “perfekto” den bista di komunidat i esun nan rondo dibo…machismo ta bin manera un bala i kaba ku nos.

Paso ora nos kuida, sostene i hasi bo fuerte, bo ta neglisha nos pa esei! Bo ta neglisha nos, paso ta nos a hasi bo sabi, i yudabo ta e ser humano kubo ta awe. Pero na final, ta abo so ke lusi.

Miedu bo tin di bisa ku kisas ta danki na e ser muhé, fuerte i balente, bo a yega leu? Machismo kisas ta brota asina tantu den bo, ku bo no por asepta esei?

Bo ta pidi i nos ta duna. Bo ta aplaudi nos, pero solamente ora ta na bo kumbiniensa. Pasombra ora nos ke yuda mes, nos ta wordu buta un banda. Maske kuantu esfuero nos duna, maske kuantu nos mustra ku nos por, nos ta haña e oportunidat pa yega leu?
Nos ta risibi e oportunidat pa mustra ku di berdat nos ta muhé fuerte i balente?!

Pero apesar di tur tur kos.. nos ta keda duna. Yudabo bira fuerte, balente i eksitoso. Na final, kiko abo ta duna nos?!

Pero atami aki, ketubai, e ser muhé pretu, fuerte i balente!

Leave a Reply

Your email address will not be published. Required fields are marked *

What do you think?

5 points
Upvote Downvote

Total votes: 5

Upvotes: 5

Upvotes percentage: 100.000000%

Downvotes: 0

Downvotes percentage: 0.000000%

Pal’i Muhé EP3 – Part 2/3 “Gender Roles & Edukashon”

Timo X Dezz – No Laga Bai (Prod by. Ethan Morris)