in

Nos Ta Talentoso: Mandy Spaltman

Mucha sa gaña nan amigunan?

Kòrsou ta produsí hopi yu di tera talentoso. Pero tiki bia ta rekonosé e talentonan akadémiko. Banda di siensia en general, e kategoria di Siensia di BOHIMIO, nos ke pone enfoke riba sientífíkonan di nos dushi islanan òf riba estudionan sientífiko hasí tokante nos islanan tambe. Awe nos enfoke ta riba Mandy Spaltman, un yu di nos dushi isla ku a hasi su tesis tokante gañamentu pro-sosial den mucha. A publiká su tesis den un dje journal sientífikonan mas renombrá den e mundu di sikokologia ku yama Developmental Psychology

Awo kiko ta gañamentu pro-sosial?

Gañamentu pro-sosial ta un fenómeno komun den hende. Por ehèmpel, un studiante por bisa su kolega ku e presentashon ku ela kab’i duna tabata hopi bon. Kaminda en bèrdat, e no tabata haña e presentashon ta dje bon ei. Òf, ora abo bisa un otro pèrsona ‘masha danki pa e regalo bunita ku bo a regalami’, kaminda bo no ta dje gradisido ei ku bo a haña e regalo i bo no ta hañ’é bunita.

Hopi bia, espesialmente na Kòrsou, nos ta siña nos muchanan for di chikí ku nan mester ta desente. E desensia akí hopi bia ta bin kargá ku mentira pro-sosial. Mayoria bia e motibu pa gaña pro-sosial ta pa mantené un relashon ku un pèrsona. Es desir, bo no ke afektá e ‘bon vibe’ ku tin dor di papia e bèrdat.

Mandy su investigashon a tira bista riba spesífikamente mucha entre 9 i 12 aña. Sikólogonan sa ku mucha, for di nan 3 aña ta kuminsá gaña pro-sosial. Pero nan no sa hopi di e detayenan manera ta riba ken nan ta mas kapas di gaña.

Mandy a sali distinguí 2 grupo. Pa simplifiká loke ela hasi, nos ta yama e 2 gruponan aki ‘kompinchinan’ i ‘deskonosinan’. Den otro palabra, e grupo di kompinchi ta e grupo ku tin amigunan di e mucha, i e grupo di ‘deskonosi’ ta e grupo ku e mucha no tin un relashon kuné.

Mandy su resultadonan ta indiká ku (solamente) e muchanan mas bieu ta gaña nan kompinchinan mas tantu kompará ku nan ta gaña deskonosínan. Djis pa e ‘bèrdat’ no afektá e relashon negativamente.

Ademas, muchanan den rango di edat (9-12) tabata aseptá gañamentu pro-sosial den nan ‘kompinchinan’ mas ku gañamentu na ‘deskonosínan’.

Ku e resultadonan aki, Mandy i e grupo di sientífikonan a logra enfatisá e importansia di relashonnan entre grupo di mucha den estudionan di gañamentu pro-sosial den mucha. Nan ta supliká ku sientífikonan mester sigui investigá e fenómeno akí pa por komprondé e situashon mas mihó.

Mandy a hasi no 1, pero 2 estudio Master na nivel universitario. Unu den e asina yamá Behavioral Science i un otro den Clinical Health Psyhology. Awor aki, Mandy ta trahando na Philips komo neuro-sikólogo i investigadó. Su mensahé pa hóbennan ta: Nunka no laga unda bo a bini for di dje, limitá loke bo ke hasi i logra den bida.

Fuentenan:

https://psycnet.apa.org/record/2019-16884-001?doi=1

https://www-sciencedirect-com.ezproxy.library.wur.nl/science/article/pii/S0749597814000983

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

D3 X Tru G – Tempu A Kaba (prod. Cirocbeats)

Geriboy x Disho – Mino ta bek