in

No yamami Antiano. Mi ta un Yu di Kòrsou! Parti 3

E identidat Antiano ta mas miho rekonose na Hulanda. Esaki tabata e identidat dirigí na e habitantenan di islanan ku tabata konsisti di Antias Hulandes. Mi ta argumenta den parti 1 ku e identidat aki no ta un bon forma i hustifika. Den parti dos mi ta argumenta kon e identidat Yu di Kòrsou ta muchu den su infansia I te ahinda nos ta definiendo su nifikashon. Den e relato aki lo mi argumenta dikon e identidat Antiano no ta adekua na Hulanda i dikon nos tin halsa e identidat nobo; ‘ E bon Yu di Kòrsou’.

E problematika ta sinta na e simpel echo ku tin un bista negativo riba e identidat Antiano. Esaki ta kausa di añosnan largu di emigrantenan di e islanan Antias Hulandes na Hulanda. Aparentemente nos tabatin un par di ‘manzana falsa’ den nos komunidat i a duna nos un bista negativo den e poblashon dominante Hulandes. E konekshon negativo ta kausa deskriminashon sistematiko i rasial pa Yu di Kòrsou nan na Hulanda. Ta bon pa nos rekonose e diskriminashonnan aki i kibranan mesora, laga nos kuminsa dor di bisa: ‘No yamami Antiano, mi ta Yu di Kòrsou’.

Nos nashonalidat ta Hulandes, Nos ta Hulandes. Nos identidat ta diferente. Nashonalidat ta legalidat. Nos no ta menos importante ku e Hulandesnan Oropeo nanse i bibando na Hulanda. Hulandesnan konose tambe diferente identidat, identidatnan mara na e provinsio/suidat ku nan a nanse I krese den dje. Ehèmpelnan manere Hulandes Fris, Brabant. Identidatnan tin ku sirbi komo lasonan familiar, no pa deskrimina otronan pa nan desidensia. Hulandesnan oropeo tambe a herensia un historia deskriminatoria, kultiva dor di sklabitut. E historia aki a krea un distantia hiargiko entre e dos grupo etnikonan. E distansia hiargiko a plama den e sosiedat manera un kanser, drenta tur instituto i gobernashon. 

Hopi Yu di Kòrsou ta emigra bai Hulanda pa un miho bibá, pa e promesa di un trabou i studio na nan nivel. Kontrario di e norma, Kòrsou ta produsiendo sufisiente kupo di trabou koreloshona ku Kòrsou su aumenta di populashon, sinembargo nos no ta produsiendo sufisiente trabou pa personan ku un studio bacholareta. E problematika aki ta okashona un ‘brain drain’ supstansial.Hulanda na e otro banda di medaya tin ku risibi e influho di imigrantenan Yu di Kòrsounan ku esperansa haltu pa empleo. Sigun e Sistema, hopi Yu di Kòrsou no tin e nivel nesesario pa hasi un gran kantidat di trabou. Okashonando un skopa limite di trabounan aksesibel. E promesa ta bira un desepshon. 

Esnan ku si a haña un empleo den e skopa, ta kai awor den e grupo di entrada abou. Nan entrada no ta sufisiente pa nan biba un bida desente, aplika pa hypoteka òf inverti den un negoshi. Hopi ta kai den ‘sosiale hulp’. Esaki ta nifika ku nan lo biba den barionan pober, meskla i ku menos siguransia di mehorashon. Nos ta kai den un sikla di pobresidat i esaki ta laga nos mustra inferior ku e Hulandesnan Oropeo. Di e manera aki nos tambe a krea e vishon perfecto di studio na Hulanda. E vishon ta enkorpera e sigiente: lanta un Yu di Kòrsou preparando e pa un estudio na Hulanda (konvirtie den un Hulandes sigun e norma), i purba trese e yu bèk despues di su estudio. Mi a skirbi purba, komo e realidat ta ku asta nos skolnan na Kòrsou (mas mio e HAVO/VWO nan) ta preshoná nos hobennan pa keda Hulanda. 

Si bo estudio bai bo bon, b’a kapa e siklo. Si nò, Bon biní na debe i entrada abou. E Sistema ta konvensí ku kualke profeshon/estudio òf  eksperensia atkeri na Kòrsou, no ta aplikabel na Hulanda. I si boo ta bibando den un barrio di entrada abou tambe lo bo ta mas suptibel pa violensia i kriminalidat. E Sistema aki ta brui e siklo, anto e sistema aki ta kompletamente fabrika. E Hulandesnan a dikta nan normanan pa basta tempu i komo “Antianonan” nos a sufri e konsekuensia. Antias no ta eksisti mas, Yu di Kòrsou ta un identidat nobo. Nos vishon i posibilidatnan ta nobo. Nos por kibra e sirkulo visioso aki dor di demanda nos derechinan. E bon Yu di Kòrsou ta mesun Hulandes ku kualke Hulandes. Nos ta mesun studia ku kualke Hulandes. Nos merese mesun trato sosial, laboral I hustisia ku kualke Hulandes. 

Desde awe, si un Hulandes Oropeo yamambu un Antiano, bo ta responde: “Ik ben geen antilliaan”.Nos ta Yu di kòrsou. 

This post was created with our nice and easy submission form. Create your post!

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Tru G X Trop – Pasa den kos

Storytime: Un, dos, tres i mi a bai!