in

Balor Propio: Liberashon of Obedensia?

B’a yega di pensa kiko bo balor propio ta? Kiko e balor di un ser humano ta? Esaki por ta un pregunta personal ku kada ken mes por disidí kiko nan balor propio ta. E por manifestá su mes den nos mes akshonnan personal, pero e pregunta aki tambe por wòrdu amplia pa pueblo. Kiko e balor di e hendenan ku ta forma e pueblo ta? No tin un kontesta spesífiko riba e pregunta aki, pero huntu nos por purba di estipulá kiko e balornan aki ta.

Un balor ku nos komunidat tin sierto elemento di dje, pero ku no ta wordu aplika hopi ta e balor ku ta sali for e prinsipio di nos antesedentenan ku tabata katibu. E prinsipio ta ku tur forma di outoridat, dominio i kontrol riba un otro hende no ta hustifiká su mes. E mester duna su hustifikashon i si e no por hasi esei, e mester wòrdu desmantelá i remplasa ku algu mas hustu i liber. Bo por mira esaki p.e den e artíkulo “Surviving Fuikdag” skibí pa Chelsy Gomez[1]. Kualke forma di dominio of kontrol riba un hende muhe no por hustifiká su mes. I ora bo kuestiona esaki seriamente, manera e artíkulo ta hasi, bo ta saka afo ku e no ta hustu i ku e mester wòrdu desmantelá.

Bo por amplia e prinsipio aki den mayoria situashon den nos bida. Nos tur kasi sigur a yega di traha bou di un hende. Mi tin sigur ku mayoria di nos a yega di puntra nos mes: “Pa kiko e karajo aki ta mi shèf? Ami por hasi e trabou aki mihó kuné i ka’i sigur mi por hasie riba mi mes tambe”. Ora ba puntra bo mes e ko’i, bo tabata kuestiona e outoridat. Anto kasi sigur e kontesta ta ku bèrdat lo bo por hasi e trabou mihó kuné i bou di bo mes kontrol, porta den koperashon ku bo otro koleganan, pero no bou di niun outoridat.

Pa un komunidat por maksimalisá su liberdat den un forma konstruktivo, via edukashon i den e lucha laboral, nos mester desmantelá tur forma di outoridat ku no por hustifika nan mes. Porta nos mester di lidernan, pero ku semper ta forma parti di e komunidat i ku por wòrdu influensiá direktamente dor di su koleganan.

Bo no mester obedesé pa bo ta liber, bo mester kuestioná pabo ta liber.


Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Quincy – Skuridat

TIMO X GRIF – LONG GONE