in ,

E Arte Di Rèp: Achi

Mi tei bèk ku un edishon mas di Arte Di Rèp. Awe mi ke papia di Achi! Achi ta un nòmber ku porta hopi no konosé. Pero esnan ku konosé, sa kon e gai aki ta hunga ku palabra na papiamentu i rima manera loko.

Ami ta haña su kantika La La La ta den e tòp 5 mihó rèpnan lirikal na papiamentu. Lamentablemente despues di un par di aña aktivo, Achi a retirá for di rèp pa sigui ku otro pashonnan ku e tin.

E kantika La La La ta produsí pa Smurv i riba e track aki, Achi ta keda rima palabra tras di palabra sin stòp. E ta rima asina tantu ku mi no sa kiko e ta bisando tur kaminda. Pesey mi a pone su letranan riba RapGenius, pa nos tur por yuda editá e letranan. Den e imagen bo por mira e kantidat di bia ku Achi a rima den su promé verse so! Sobrá bo por haña riba RapGenius. Play e vidio ku tin aki bou i wak si bo por rèp pareu kuné i sigui kiko e ta bisa. Manera semper, tur palabra ku ta rima tin mesun koló. (Bo por ripara kaba, kompará ku e otro rèpnan ku mi a analisá, esaki ta rima hopi mas tantu).

Manera bo a tende, ta un hazaña Achi a hasi ku palabra. Mi no a logra highlight tur rima pasó tatin bia e palabranan ta rima ku mas ku un tono. Ainda falta algun letra ku mi no sa kiko e ta bisando. Porta tin ku puntra Achi mes, òf comment loke bo ta pensa e ta bisa. Esaki tabata un kantika ku ta den tòp 5 mihó kantikanan lirikal na papiamentu pa ami. Kua ta riba bo lista? Laga mi sa.

Te otro edishon di Arte Di Rèp!
Klek aki pa lesa e otro edishonnan ku DeviDev, NokBlok i Gachi.

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Grif – Kingston

RANDAL CORSEN X DIBO D – KÒRSOU TA DEN SU GLORIA