in ,

No yama mi antiano. Antias no ta eksisti! Parti 2

Antias no ta eksisti

Pa kuminsá e seri, mi ke enfoká riba e identidat antiano. Mi ta bai argumentá den e artíkulo akí ku e identidat en kuestion no ta unu bon fundá. E promé rekisito pa forma un nashon ta unifikashon di e pueblo bou di un identidat. Denter di Antia Hulandes esaki no tabata eksistí, pasó kada un di e islanan ku tabata pertenesé na dje tabatin su propio identidat.

Un hende tabata Antiano si el a nase riba un di e islanan di Antia Hulandes òf si e tabata biba riba un di e islanan, siendo tenedó di un pasport hulandes na mes momentu.

Un hende tabata Antiano si el a nase riba un di e islanan di Antia Hulandes òf si e tabata biba riba un di e islanan, siendo tenedó di un pasport hulandes na mes momentu. Sinembargo, e habitantenan di e islanan ku tabata forma Antia Hulandes tabata referí na nan mes usando nòmber di nan propio isla. Por konkluí ku identidat antiano no tabata unu bon formá i hustifiká. Esaki ta lógiko, komo ku e islanan tabata isla. E geografia so tabata un opstákulo grandi.

Tambe no por lubidá e historia di e islanan, ku ta hunga un ròl mas grandi ku e topografia. E islanan SSS ta papia predominantemente ingles. Esaki tin di aber ku e influensia ku Inglatera – komo e superpoder den e temporada ei – tabatin riba e islanan.

Den kaso di Aruba e situashon ta un tiki mas progresá. Aruba a disidí di sali for di Antia Hulandes na aña 1986. Pues, seguramente Aruba tin mas eksperensia komo pais outónomo kompará ku Kòrsou i Sint-Maarten. Esei ta nifiká tambe ku nan tin mas eksperensia pa loke ta trata formashon di nan identidat. Internashonalmente Aruba ta mas konosí ku e sobrá islanan, danki na nan éksito den e área turístiko. E sektor turístiko no ta solamente Aruba su pilá ekonómiko primario, sino tambe Aruba su karchi di bishita, na moda di papia.

Kòrsou – meskos ku Sint Maarten – tin ocho aña di eksperensia komo pais outónomo. Pero kiko nos a hasi pa fortifiká nos propio identidat? E bon Yu di Kòrsou, e propaganda nashonal i internashonal enfatisá pa CHATA, CTB i TeleCuraçao! E programa a kuminsá ku e intenshon di enfatisá loke e sektor turístiko di Kòrsou tin di ofresé. Despues, el a dirigí su mes direktamente riba formashon di Kòrsou su identidat. Ounke e no ta perfekto, e programa ta un bon base pa rekonosementu i formashon di Kòrsou su identidat.

E úniko lugá kaminda tabata usa “antiano” tabata Hulanda.

Pues nos por konkluí ku e diferensianan entre e paisnan tabata muchu grandi pa forma un identidat. Kada èks pais di Antia Hulandes a forma su mes identidat den pasado. Nunka populashon di e islanan ei tabata referí na su mes usando e athetivo “antiano”. E úniko lugá kaminda tabata usa “antiano” tabata Hulanda. Komo ku Antia su populashon tabata konsistií pa un gran parti di kurasoleño, e “identidat” antiano a bira sinónimo pa esun kurasoleño.

Den e siguiente artíkulo lo mi dirigí mi mes mas bien riba identidat Yu di Kòrsou i su efektonan riba e (èks-)habitantenan di Kòrsou.

Leave a Reply

Your email address will not be published. Required fields are marked *

What do you think?

2 points
Upvote Downvote

Total votes: 2

Upvotes: 2

Upvotes percentage: 100.000000%

Downvotes: 0

Downvotes percentage: 0.000000%

Kempi ft. Jaido & Devi Dev – Thuis Kom (prod. Ox)

Hòmber YDK ta tira palu nadrechi? (18+)