in

Huma Mariwana por hasibu loko?

Komo un pèrsona ku ta pro legalisashon di mariwana, semper mi ta investigá kiko ta kosnan ku  mester tene kuenta kuné dia e bira legal. Ta mas ku klaro ku tin hopi benefisio mará na legalisashon di mariwana. Sinembargo, manera tur kos, mariwana tambe tin su kosnan menos bon. Un di nan ta e lenk ku mariwana tin ku schizophrenia.

Tin sufisiente testimonio di hende ku konosé un pèrsona ku a ‘flep’ despues ku nan a usa mariwana pa un periodo. Hopi bia ta hobennan basta yòn, den flor di nan hubentut, ku di un ora pa otro ta ‘pèrdè nan kabes’ i bira loko. Famianan, amigunan i konosinan hopi bia ta kulpa konsumo di mariwana di e personanan aki. Pero kiko ta e siensia su tras? Mariwana por hasi hende loko di bèrdat?

Aparentemente sientífikonan bèrdat a haña un lenk entre schizophrenia i mariwana.

Pa kontestá e pregunta aki mi a bai buska mas leu. I e informashon ta interesante. Aparentemente sientífikonan bèrdat a haña un lenk entre schizophrenia i mariwana. Kiko e lenk aki presisamente ta, nan no sa. Pero nan tin algun suposishon. Un kos ku mariwana i schizophrenia tin komun sigur ta psychosis. Psychosis no ta un malesa, pero mas un síntoma. Psychosis ta buta ku bo pensamentunan ta brua, i ta bira difísil pa distinguí kiko ta realidat i kiko ta fake. Bo ta kuminsá mira i/òf tende kos ku no tei den realidat. Psychosis ta un di e síntomonan di schizophrenia. Ademas, tin genonan (genes..) spesífiko ku sierto hende tin, ku si ser kombiná ku mariwana, por oumentá e chèns di desaroyá psychosis permanente òf pa un periodo korto.

Cannabis i schizophrenia

Estudionan a logra prueba ku, hende vulnerabel pa desaroyá schizophrenia tin un chèns mas grandi ku nan lo usa mariwana

Estudionan a logra prueba ku, hende vulnerabel pa desaroyá schizophrenia tin un chèns mas grandi ku nan lo usa mariwana. Esaki ta pasa inkonsientemente. Aparentemente hende ku tin un predesposishon pa desaroyá schizophrenia ta usa mariwana komo un forma pa mediká nan mes. Na otro banda nan a logra konstatá ku mariwana por hasi e símtomonan di schizophrenia mas pió serka hende ku tin schizophrenia kaba.

Mester nota ku sientifikonan no por ekskluí, ku tin un chèns ku mariwana ta hisa e chèns pa un pèrsona por haña schizophrenia. Es desir, nan no sa si humamentu di mariwana ta kousa schizophrenia den hende ku no tin schizophrenia predesponí. (predisposed ..)

OJO: un lenk no ta nifiká ku mariwana ta kousa e desordennan aki

Tin estudio ku a konstatá ku mariwana ta un dje substansianan mas usá bou di hende ku schizophrenia. Asta mas ku alkòhòl. E abuzu aki ta komún en partikular bou di hobennan. Diferente estudionan otro tambe a logra lenk konsumo di mariwana ku otro desordennan síkiátriko (psychiatric disorders) (OJO: un lenk no ta nifiká ku mariwana ta kousa e desordennan aki).

Pa konkluí, tin hopi lenk entre mariwana i schizophrenia. Kiko eksaktamente e relashonnan aki ta nifiká, ainda ta bou di investigashon. Regularmente sientífikonan ta haña sa algu nobo i asina nan konosemiento ta bira mas grandi. Tin basta informashon mas ku bo mes tambe por sigui lesa i buska riba internet tokante e tópiko aki. Bo por kuminsá na e fuentenan te abou na e página.

Aki ta sigui algun tep, pasó preveni ta mihó ku kura:

–       Si bo ta un hoben (teenager) preferibel no usa mariwana. Komo teenager bo selebre ta desaroyando ainda i mariwana tin un efekto muchu mas grandi riba bo.

–       Si bo tin schizophrenia no usa mariwana

–       Si bo tin famia ku schizophrenia, preferibel no usa mariwana. Schizophrenia ta un malesa genétiko. Es desir, si un miembro di bo famia tin e, tin un chèns ku bo tambe tin e.

–       Mi ta enkurashá bo pa bo share e artíkulo aki, asta si bo ta pro legalisashon di mariwana. Úniko manera ku nos por bin ku leinan èts. adekuá ta si nos eduká nos mes riba e tópiko.

Fuentenan:

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Kuenta di siman: ‘Fir mane águila’

Trop – Chestbarz (Prod. by Cirocbeats)