in

Kon mariwana ta afektá selebro

E grupo ku ta pro mariwana ta birando mas i mas grandi na Kòrsou, i pa bon motibu. Banda di e benefisionan medisinal, tin hopi otro motibu sosial i ekonómiko pa legalisá mariwana.
Den un otro artíkulo mi lo enfatisá kiko ta e benefisionan. Den e artíkulo aki lo mi splika kòrtiku kiko ta pasa den bo selebro.

Den e artíkulo aki lo mi splika kòrtiku kiko ta pasa den bo selebro. 

Si bo ta konosí kaba ku mariwana, bo sa ku e mata aki ta influensiá bo mente. Un sensashon kalmu kaminda bo mente na mesun momentu ta mas aktivo ku nunka. Pa komprondé kon mariwana ta afektá bo mente, nos mester komprondé promé kon nos selebro ta traha. Bo sèlnan di nèrvio den bo selebro ta responsabel pa prosesá informashon dor di saka kímikonan ku yama neurotransmitters.

Bo sèlnan di nèrvio den bo selebro ta responsabel pa prosesá informashon dor di saka kímikonan ku yama neurotransmitters.

Di e forma aki nan ta kambia e karga eléktriko di un nèrvio risibidó i asina eksit’é òf hasi’é mas lento. Tur e transmishonnan aki ta pasa konstantemente i ta forma un ret kompleho ku ta yuda dikta i determiná tur pensamentu i/òf moveshon ku bo ta hasi.

Un di e kímikonan den mariwana ku yama THC ta similar na un neurotransmitter.

Un di e kímikonan den mariwana ku yama THC ta similar na un neurotransmitter. Nòrmal bo sèlnan di nèrvio ta bira inaktivo un ratu despues ku nan a kaba di saka neurotransmitter pa evitá ku nan ta bira muchu aktivo. Esaki ta sòru ku bo selebro kalma i keda bou di kòntròl. Pero THC ta stroba e proseso aki. E resultado ta ku bo pensamentu, bo imaginashon i bo persepshon ta amplia i bira mas intenso. Bo pensamentu ta bira profundo i signifikante i tur kos ku bo pensa ta bai lihé.

Banda di esei, cannabinoids, kual ta otro kímiko den mariwana, ta afektá nivelnan di otro neurotransmitter (dopamine i norepinephrine) ku ta laga bo sinti euphoria, relahá i tambe suavisá doló.

Pa mas informashon tokante kiko mariwana ta hasi ku selebro, wak e vidionan aki: 1, 2, 3.
Fuente: ASAP Science

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

ORI – Change ft. Jaido

Kuenta di siman: ‘Fir mane águila’