in

Lider òf hefe ?

Ki ora bo ta un lider i ki ora bo ta un hefe?E diferensia entre un lider i un hefe ta simpel. Un hefe ta manehá su empleadonan. Un lider, al kontrario,  ta inspirá su empleadonan, ku e meta pa yega na perfekshon. Tur grupo tin un hefe, pero loke hende mester di dje realmente ta un lider.

Tin diferente forma pa ta un lider. Kada forma tin su bentaha i desbentahanan.  Awe lo mi para ketu na e estilo di liderazgo burokrátiko. Burokrasia den e sistema gubernamental ta nifiká ku funshonarionan estatal ta tuma desishonnan na lugá di representantenan di elekshon (por ehèmpel loke nos konosé komo parlamento). Algun sinónimo di e palabra burokrasia ta etikèt, protokòl i ofisial.

Un lider burokrátiko ta hasi tur kos segun un proseso definí. Maske un lider burokrátiko ta un forma di liderazgo, e lider su funshon ta parse mas unu di  un agente ofisial. E ta sòru pa tur hende kumpli ku e reglanan stipulá. E tipo di liderazgo aki por ta  efektivo ora ta hasi tareanan rutinario. Un kahera, por ehèmpel, ta risibí sèn. Pa prevení ku e ta hasi eror òf su mes kulpabel na froude, ta bon si tin un lider ku ta sòru pa e kumpli ku e reglanan.

Si bo tin un lider burokrátiko, ta difísil pa kibra ku kustumbernan i tin biaha empleadonan ta pèrdè interes den nan trabou i den relashon ku nan koleganan. Empleadonan ta hasi solamente loke ta ferwagt di nan i nada èkstra.

Si bo kièr ta un lider, sòru pa bo ta unu bon.

Un lider ta esun ku konosé e kaminda, ta sigui e kaminda i ta mustra e kaminda. – John C. Maxwell

Fuente:

The Styles of Leadership: A Critical Review, ISSN 225-0972.

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Lil Homie – Djul Chapido (prod. Slick En El Beat)

E realidat di porn