in

No yamami Antiano, mi ta Yu di Kòrsou!

Habitantenan di e islanan ABC i SSS pa semper lo rekonosé 10-10-10. Dia di outonomia pa un, dia di derota pa otro. Kada pèrsona tin su opinion pa loke ta trata e suseso ei. Echo ta ku 10 di òktober ta un dia sumamente importante; riba dje nos ta konmemorá kuminsamentu di pais Kòrsou, Sint Maarten i e munisipionan speshal Boneiru, Sint-Eustatius i Saba, mihó konosí komo “bijzondere gemeenten” na hulandes. E paisnan nobo a drenta un époka nobo, unu di asina yamá “Nation Building”.

“Nation Building” ta un proseso pa rekonosementu di identidat di un pais i su pueblo. E proseso akí ta krusial, pasobra e ta marka sentralisashon di un gobernashon nobo. Tur pais ta pasa den e etapa di “Nation Building” i diferente sosiólogo ta bisa ku e ta un proseso evolushonario. Meskos ku norma- i balornan ta kambia ku tempu pa motibu di geografia, kultura, historia i progreso sosial òf teknológiko, e identidat di un pais i su habitantenan tambe ta kambia.

Den e serie di artíkulo akí mi ta bai splika kon e proseso di “nation building” ta kanando na Kòrsou i kua rekomendashonnan ami tin pa mehorá e proseso. Promé ku mi hasi esaki, mi ta duna bo un tiki historia. Hulandesnan sa usa e término antiano pa deskribí kurasoleño, ounke Antia Hulandes no ta eksistí mas. Mi ta bai splika dikon e término akí ta unu artifisial i dikon su uso mester stòp mesora. Despues, mi ta enfoká riba e proseso di “nation building” na Kòrsou i kon por garantisá ku e ta kana na un manera efektivo.

Mi ke pa kada unu di boso, e lesadónan, djòin mi den e seri: No yama mi antiano!
Mi a hasi uso di e siguiente fuentenan abou menshoná pa forma e pensamentu prinsipal.
No yama mi antiano, mi ta Yu di Kòrsou!

​Fuente: 

Alesina, A., & Reich, B. (2015, February). Nation Building. Retrieved from Scholar Harvard Education: https://scholar.harvard.edu/files/alesina/files/nation_building_feb_2015_0.pdf 

Arrindell, R. (2014). Language, Culture, and Identity St. Martin. Philipsburg: House of Nehesi Publishers. 

BBC. (2015, January 28). BBC. Retrieved from Aruba Profile – Timeline: https://www.bbc.com/news/world-latin-america-20211986 

Stephenson, C. (2005, January). Beyond intractability. Retrieved from Nation Building: https://www.beyondintractability.org/essay/nation_building/%3B Vijber, D. (2013, Oktober 21). Antilliaanse Dagblad. Retrieved from E bon yu di Kòrsou: https://antilliaansdagblad.com/curacao/opinie/7697-e-bon-yu-di-korsou 

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

MMO – Pompen (prod. Calyente & Bombastic)

Kuenta di siman: Konsenshi limpi