in

Dikon bo ke paña di marka

Tur hende tin nan propio motibunan dikon nan ta kumpra sièrto markanan di paña. Pero tin bia ta bon pa sinta ketu i pensa kiko e mekanismo tras di bo motibu ta. Hopi bia hende ta hasi bofon i chèrchi di hende ku ta kumpra nan pañanan of kètsnan den lugánan mas barata. Nos tur konosé e lugánan ei na Kòrsou.

Asina ta na Merka tambe. Einan tin un pakus ku yama Payless, kaminda manera e nòmber ta indiká, ta un pakus ku ta bende merkansia barata i pagabel.

Ya pa basta aña kaba e pakus aki a haña e stigma ku banda di e echo ku e produktonan ta barata, nan no ta mesun bon ku otro pakusnan mas karu.

Nan a habri un pakus ku nan mes produktonan pero enbes di yama e pakus Payless, nan a kambia e nòmber hasi’é Palessi pa e zona mas elegante.

Pa prueba ku nan ta mas ku djis un marka barata nan a hasi un eksperimento.
Nan a habri un pakus ku nan mes produktonan pero enbes di yama e pakus Payless, nan a kambia e nòmber hasié Palessi pa e zona mas elegante. E preisnan di e produktonan tambe nan a kambia. Sapatunan ku tabata kosta $30 nan a kambia i hasi nan $600. Banda di esei, nan a invitá basta Social Media Influencers, papparazi i tur kos pa laga e opening mustra mas prestigioso. E resultado? Nan a bende, anto bon! Manera bo por weta den e vidio aki, e hendenan tabata asombrá ora nan a haña sa ku ta di Payless.

E eksperimento akí ta unu interesante i ta prueba kon fásil negoshinan grandi por influensiá I manipulá hende. E ta prueba indirektamente tambe ku no ta semper hende ta kumpra algu pasó e ta ‘bon kalidat’, pero preis i statùs tambe ta hunga un ròl grandi.

Ki kriteria abo ta usa pa kumpra paña?

Fuentenan: https://www.forbes.com/sites/michaelrsolomon/2018/12/04/the-emperor-has-no-clothes-payless-takes-us-to-school/#517845b14986

https://www.adweek.com/brand-marketing/payless-opened-a-fake-luxury-store-palessi-to-see-how-much-people-would-pay-for-20-shoes/

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Dezz x Ori – Bless [Prod. by Dezz]

Devi Dev x D-Double – Hopi Ke Wak Mi (prod. Ox)