in ,

Kuenta di siman: Un boto yen emoshon

Riba e isla kaminda tur emoshon ta biba, tabatin un dia, un tormenta mashá pisá!

E tormenta tabata asina peligroso, ku kasi tur emoshon tabatin miedu i ta spantá.

Apesar ku AMOR tambe tabata spantá, el a haña KURASHI pa traha un boto grandi, ariba i abou pa asina huntu ku tur e otro emoshonnan, nan hui pa buska nan seguridat.

Mas serka dia yega, mas spantá nan tur a bira.

Diripiente un zonido duru a resoná i tur temblá e emoshonnan a bula drenta den boto, kla pa rema bai. Pero den un fregá di wowo, AMOR a ripará ku EGO no tabata den e boto huntu ku tur sobrá. “EGO, EGO, EGO” tur a grita na bos duru, “drenta den boto stòp di pretendé ku bo por soportá e tormenta”.

Pero ni maske kon duru tur e emoshonnan a grita, tòg EGO a para ariba ku e no ta drenta den e boto. N’e momentu ei AMOR ku stima tur e otro emoshonnan a bula sali for di e boto pa e bai papia ku EGO pa wak si e por konbens’é.

AMOR a papia, pidi i roga EGO pa e drenta den e boto pero AROGANSIA di EGO no a lag’é bai.

Mientras AMOR no tabata ke laga EGO atras, sin tabata ke, e otro emoshonnan mester a bai laga AMOR i asina AMOR a muri huntu ku EGO na momentu ku e tormenta pisá a pasa riba e isla di tur emoshon.

Awor e pregunta ta, EGO a mata AMOR òf AMOR a muri pa EGO?

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Rich – SNT (Prod Ethan Morris)

Dezz x Ori – Bless [Prod. by Dezz]