in ,

Kon pretu zwarte piet ta?

Komo mucha, mi no tabata para ketu na e pregunta: zwarte piet ta diskriminashon? Pero segun bo ta krese, madurá i eduká bo mes, bo ta kuminsá evaluá pa bo mes. Mi ke kuminsá na bisa ku semper mi tabata sa ku San Nikolas i su pietnan no ta real. Nunka mi mayornan a laga mi kere den un ‘historia fantasma’. Ku ta mi mayornan ta pone e regalonan pa mi, mi tabata sa, pero pa straño ku ta parse tòg mi tabata pone yerba i un baki di awa pa e ‘kabainan’. Pues mi por komprendé ora hende bisa ku San Nikolas i su pietnan ta un fiesta pa mucha. Pero di otro banda mi ta puntra mi mes di bèrdat ta un fiesta pa mucha òf ta algu komersial? Ni 24 ora despues ku e pietnan a yega Kòrsou, algun di nan a keda detené. Ta esaki ta e fiesta di mucha ku nos ta papia di dje?

E diskushon

E diskushon rondó di e fiesta di San Nikolas ta bai tokante e aparensia di e ayudantenan (pietnan) di San Nikolas. Ta trata di nan kolo di kueru pretu, kabei krus, renchinan di orea ( di oro) i  bokanan pintá kòrá.

Segun antropólogo kultural Booy, zwarte piet tin un konekshon ku sklabitut. Hende lo no tin e konosementu di ken zwarte piet realmente ta i no ta miré komo diskriminashon. Segun Booy, mayornan ta keda konta muchanan ku zwarte priet ta pretu, paso el a bin for di schoorsteen. Ku zwarte piet enberdat a pasa dor di schoorsteen no ta pone ku e tin kabei krus, lepnan kòrá i renchi orea.[1]

 E otro banda di medaya

Inge Schuiten a hasi investigashon tokante e  desaroyo di zwarte piet pa su buki: ‘Het Zwarte Piet smoelenboek’. Algun  di su konklushonnan mi a haña hopi interesante. Tokante bistimentu di renchi di orea, Schuiten ta bisa ku katibunan na Afrika no tabatin propiedat, pues nan lo no por tabata bisti renchi di oro. Tokante e lepnan kòrá, tin ku tene na kuenta ku e imágen di e zwarte piet a kambia ku  tempu. Ku zwarte piet tin kabei krus lo bo no por mira fásil ya komo ku mayoria biaha nan kabes ta tapa. E kolo pretu ta e úniko kos ku a keda konstante den e figura zwarte piet. [2]

 Blackface

Pa sa kon pretu zwarte piet ta, ta importante pa bo sa kiko blackface ta enserá. Blackface ta  un forma di makiahe ku ta keda usa den obranan teatral pa personanan ku no ta pretu pa representá un persona pretu.E ta keda konsiderá un representashon diskriminatorio dor di e komunidat Afro-Amerikano.

Pero e kontesta riba e pregunta kon pretu zware piet ta… abo tin e.

Mi ke finalisá ku e dos quote nan aki:

1795 Tula a bringa pa nos pas, awo su yu nan mes ta selebrá Koningsdag. 1939 Hitler a start un guera mas, fo’i ’45 nan ta selebrá bevrijdingsdag. Hopi rabia nan tin riba Hitler pa, loke nos ta kana apoyá sinterklaas. Sin ñiun tiki rèspèt pa nos eigen ras, sòri Rigaud Tula pero tin di nos a keda slaaf. -Dayo https://www.youtube.com/watch?v=vuakc4R-vt0

Emancipate yourselves from mental slavery. None but ourselves can free our minds. – Bob Marley

Fuente:

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Dikon mi ta kontra di Zwarte piet

Kuenta di siman: Kada un ta un