in

Bo no ta mesun sabí ku bo ta pensa!

Hopi bia nos ta eksagerá kon bon nos ta den nos abilidatnan. Nos ta kere nos ta spesial, apart òf mas sabí ku sobrá di hende. Sikólogonan ta yama e fenómeno aki e efekto di Dunning-Kruger. E ta un parsialidat kognitivo kaminda un persona ku ta inkompetente den algu ta inkapas pa rekonosé su inkompetensia. Ademas, hopi bia inkonsientemente e ta eksagerá kon bon e ta den algu.

Resultadonan di varios estudio a konkluí ku nos komo hende tin loke nan ta yama un ilushon di superioridat. Nos ta husga nos mes i kompará nos mes ku otro pa asina kere nos ta mihó ku e promedio. Un ehèmpel: Ban bisa 5% di tur stürdo ta kai bou di esnan ku ta stür mas mihó. Pero 80% di hende ta pensa nan ta kore outo mas mihó ku otro hende. Den otro palabra 80% di hende ta kere nan ta den e 5% di hende ku ta kore outo mas mihó. Esaki simplemente no ta posibel.

E eksagerashon di nos abilidatnan ta pasa den hopi diferente aspekto i tereno. Sabidoria, moralidat, korementu di outo, beisbòl i mas. Segun e sientífikonan, e personanan ku menos abilidat tin mas chèns di eksagerá loke nan por i kere nan ta mihó ku sobrá. I hopi bia nèt e hendenan ku sa basta di un tópiko ta balotá nan mes den kuantu nan sa i kon bon nan ta. Nan sa sufisiente pa sa ku tin hopi kos ku nan no sa. Na otro banda, tin kaso tambe di ekspertonan ku sa asina tantu sa ku nan sa hopi. Pero nan ta lubidá ku no ta tur hende ta riba mesun nivel ku nan.

Den e figura abou bo ta ripará mas mihó kiko mi kier mèn. Ora bo ta inkompetente, bo konfiansa ta super haltu. Ora bo sa basta, i bo tin eskperensia, bo no tin hopi konfiansa. Al final bo tin e eksperto ku sa hopi, i sa ku e sa hopi.

 

Un representashon skemátiko di e efekto Dunning Kruger.

 

E konklushon ta ku hende (si bo sa hopi, un tiki òf nada) ta biba den un mundu kaminda nan ta malu den evaluá nan mes abilidatnan den komparashon ku otro hende. Awoki bo ta puntrando bo mes, “hmm bou di kua mi ta kai?”. Mi por bisa bo for di awòki ku e ta dependé di e tópiko i e abilidat. Bo por ta tur tres dependiendo di e situashon. Mayoria di nos ta normal. Pero no wòri, djis kòrda loke e filósofo griego, Socrates a bisa: ” Un sabio semper sa ku e sa nada.”

Ok porta e frase no tabata eksaktamente asina pero bo ta komprondé mi punto.

BOHIMIO ta pa esun ku ke sa untiki, esun ku ke sa mas i pa esun ku no ke sa nada tambe!

Si bo ke lesa mas tokante e tópiko aki pa haña un mihó splikashon, mi ta sugerí bo lesa e artíkulo aki.  

Fuente:

  • https://www.youtube.com/watch?v=pOLmD_WVY-E
  • https://en.wikipedia.org/wiki/Dunning%E2%80%93Kruger_effect

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Rich Ft Quincy – Kalender (Official Video)

Un kuenta tokante di: “E sekretó pa ta felis”