in

Kon pa: Upload kantika riba Spotify?

E esena di rèp i otro género di músika na Kòrsou ta kresiendo rápidamente. Artistanan ta yegando miles i tin bia asta miones di views riba YouTube. Lamentablemente, no tin hopi di e kantikanan aki riba plataformanan di stream. E artíkulo aki lo kompartí kon bo por upload bo músika riba plataformanan manera Spotify, Apple Music, iTunes, Deezer, Google Play i mas.

Upload di músika mester pasa via un kompania di distribushon. Un distribuidor ta un kompania ku ta sòru pa e músika yega e konsumidó, es ta e hendenan ku ta skucha e kantikanan. Abo komo artista mester paga un montante chikí na e kompanianan aki pa nan upload bo músika riba e diferente kanalnan di stream manera Spotify èts. Akinan mi tin un lista di diferente distribuidornan. Pasa riba nan i bishitá nan wèpsait. Wak kua di nan ta sali abo mas kumbiniente. Sòru si, pa ora bo upload bo kantikanan, tur kos ta original i a wòrdu pagá p’e. Bo no por upload usando beat ku bo a djis kue for di YouTube mas.

LANDR – https://www.landr.com/en

CD Baby – https://cdbaby.com/

TuneCore – https://www.tunecore.com

Distrokid – https://distrokid.com/

Anto asina tin mas di e kompanianan aki. Esaki ta e kuaternan ku ami ta haña mihó. Si bo ta usa un otro, sinti bo liber pa kompartí esaki.

Pronto Spotify lo bini ku un opshón ku tur musikante por upload nan mes kantikanan. Esaki ta un inisiativa hopi bon ku lo hasi’é hopi mas fásil pa artistanan logra ekspandé i yega na nan fanátikonan. E opshón aki ta disponibel solamente na Merka awor aki i e lo kosta e artista nada. Bo lo por kompará e método ku SoundCloud.

Mester nota ku Spotify no ta disponibel na nos islanan. Pa esnan ku si tin un abono na Spotify, mi ta supliká boso pa klek riba e lenk bou di e pida teksto aki, anto vota. Mas tantu firma nos akumulá, mas lihé e tópiko aki lo wòrdu mirá dor di Spotify. Asina nan lo por traha riba e disponibilidat di Spotify na Kòrsou i sobra di nos dushi islanan.

https://community.spotify.com/t5/Live-Ideas/Country-Make-Spotify-available-on-Caribbean-islands/idc-p/4490854

Mi ta spera e artíkulo aki por a yuda abo komo artista. Upload bo musika riba diferente plataforma pa bo por alkansá i ekspandé bo grupo di fanátikonan. Éksito ku bo karera músikal!

 

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Yuda nan bai fièrnu of laga nan biba?

Yuda bo mes!