in ,

Proyekto Talento a ranka sali!

Riba 28 di Jüli 2018, proyekto Talento a wòrdu lansá. E proyekto aki ta dirigí na e ámtenarnan ku tin hopi potensial. Bou di guia di mèntòrnan, nan lo partisipá den un proyekto ku lo yuda nan desaroyá nan kompetensia, eksperensia i talento riba un arena profeshonal i personal. Esaki lo sirbi pa hisa kalidat en general den e servisionan ku gobièrnu ta duna na su siudadanonan.

E kompetensia di ámtenar ta vários bia tópiko di diskushon den boka di pueblo. Esaki ta pasa konsientemente of inkonsientemente. Na momentu ku hende papia tokante nepotismo, e kompetensia di un ámtenar ta wòrdu kuestioná. Na momentu ku hende papia tokante mal ehekushon di e tareanan di gobièrnu, e kompetensia di ámtenarnan ta wòrdu kuestioná. Na momentu ku hende papia tokante e nesesidat pa tin mas hende yònden e aparato di gobièrnu, e kompetensia i relevansia di e ámtenarnan ku tin awor ta wòrdu kuestioná.

Proyekto Talento ta parti di e programa ku yama Impulso. E programa aki su meta ta pa mehorá e aparato di ámtenar di Kòrsou. Pa e prome aña tin 4 ministerio ku ta forma parti di e proyekto, kual ta lo siguiente: Ministerio di Maneho, Planifikashon i Sèrvisio Públiko; Ministerio Desaroyo Sosial, Labor i Bienestar; Ministerio di Hustisia i Ministerio di Enseñansa, Siensia, Kultura & Deporte.

E ámtenarnan mester a solisitá pa nan por ta parti di e proyekto aki. Al final, 16 ámtenar a wòrdu selekshoná. Bou di guia di diferente mèntòr, nan lo risibí training. Lokual ta bon di e proyekto aki ta ku e ámtenar lo ta mas den kontakto ku e siudadonan i asina lo siña kon pa inkorporá esaki den nan trabou. E proyekto aki ta yuda update e kompetensia di ámtenarnan i yuda nan krese i evolushona, kual ta algu hopi positivo i nesesario.

Kiko bo ta pensa di e inisiativa aki? Bo ta mal kontentu ku e prestashon i kompetensia di e aparato di ámtenar? Kiko abo lo indiká ku bo ke kambia? Comment i laga nos sa!

 

Fuente:

http://www.kikotapasando.com/2018/10/01/proyekto-talento-pa-amternan-a-ranka-sali-talent-ontwikkel-project-talento-van-start-voor-ambtenaren/

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Un momentu di ‘zen’ den bo bida

Fasismo den Banko