in ,

Dollar of Florin Karibense?

Komo ku Kòrsou i Sint Maarten a bira outónomo den Reino Hulandes, e florin antiano tambe mester wòrdu anulá komo moneda ofisial. Ta mustrando ku Kòrsou lo bai tin un moneda propio kual lo ta e florin karibense. Di otro banda tin e posibilidat tambe pa hasi dòler e moneda ofisial. Vereniging Bedrijfsleven Curaçao ke pa e pueblo di Kòrsou wòrdu konsultá pa e desishon krusial aki. Den e artíkulo aki, bentahan di e dos opshonnan aki ta wòrdu presentá. E bentahanan di kada opshon na mes momentu ta fungi komo desbentaha di e otro opshon.

Bentahanan di tin un propio moneda ta:

  •        Un propio maneho monetario

E bentaha di mas grandi di florin karibense ta ku Kòrsou lo por tin su mes maneho monetario. Esaki lo por wòrdu adaptá na e ekonomia di Kòrsou, sin tene konsiderashon ku lokual ta pasando na Merka. Na momentu ku tin un krísis internashonal tambe esaki lo afektá Kòrsou menos pisá.

  •        Símbolo di identidat nashonal

Tin bo propio moneda ta un símbolo di independensia. Na momentu ku un pais tin un propio moneda e tin mas kontrol riba maneho di su ekonomia.  

  •        Ganashi di seigniorage

Tin un diferensia entre e gastunan ku banko sentral tin pa traha e sèn anto e balor ku e sèn tin al final. E diferensia entre esaki yama seigniorage. E ta un fuente di entrada grandi pa Kòrsou.

  •        Banko sentral ta ‘Lender of last resort’

Esaki ta  benefisial na momentu ku tin un institushon finansial ku ta den problema. Banko sentral tin e outoridat pa duna nan krédito pa evitá ku e problema ta sigui plama. Asinaki banko sentral por prevení un krísis.

 

Di otro banda tin e posibilidat tambe pa hasi dòler e moneda ofisial. Esaki ta mas tantu e kaso na momentu ku un pais no tin konfiansa den su mes moneda of ta eksperensiando inflashon haltu den kombinashon ku devaluashon di e moneda nashonal. Esaki ta e bentahanan di tin dòler komo moneda ofisial:

  •        Inflashon stabil

Ku dóler komo moneda, e inflashon den e pais lo ta meskos ku na Merka. Na momentu ku e inflashon den un pais ta hopi haltu of instabil, esaki ta nifiká ku e lo baha i bira mas stabil.

  •        Interes stabil

Na momentu ku e inflashon ta mas stabil, outomátikamente e interes tambe ta bira mas stabil. Esaki ta dor ku lo tin menos riesgo di inflashon. Mas hende lo ta dispuesto di spar sèn tmb asina.

  •        Integrashon ekonómiko

Komo ku dòler ta un moneda ku ta wòrdu usá internashonalmente, lo ta mas fásil pa hasi negoshi ku diferente pais. Na momentu ku dòler ta e moneda ofisial, e gastu di kambio di moneda lo disparsé. Esaki ta hasi e transakshonnan di negoshi mas fasil entre Kòrsou i otro pais ku ta usa dòler merikano.

Esakinan tabata e bentahanan (i desbentahanan) di e dos opshonnan aki. Kua opshon ta mas benefisial pa Kòrsou segun abo? Dròp bo komentario i laga nos sa!

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Pensa mane un abogado, no hasi mane un

E Arte Di Rèp: Gachi