in

Pensa mane un abogado, no hasi mane un

Konflikto ta parti di bida. Tin ta mas grandi ku otro. Komo un abogado ta bo trabou pa resolvé konflikto. Tin tiki hende ku sa kon ta evitá nan. Un persona lo pone atenshon riba e problema so i lubidá ku tin un hende sintá su dilanti. Un otro persona su enfoke lo ta muchu amistoso anto haña su mes @&#% na final dje konflikto. Den e artíkulo aki tin tips pa pensa manera un abogado pa bo resolvé bo konfliktonan mas mihó.

1.Kuminsá ku e fin den bo kabes

Kiko ta importante den e konflikto? Kiko bo ke logra ku e diskushon? Hasi bo mes e preguntanan aki durante di un konflikto. Paso hopi bia hende ta bira emoshonal i lubidá mes dikon tin un konflikto. No laga niun hende subi bo kabes.

2. Nunka no asumí ku bo ta mas sabí

B’a yeg’i wak e hustle kaminda dos hende ta hunga un wega anto un di nan ta hunga ròl di ta malu den e wega? Pa despues su kontrapartida kue muchu konfiansa i na fin kuminsá pèrdè tòg? Awèl esei ta pasa ora bo kere bo ta mas sabí. Semper keda bei i NUNKA balotá bo kontrapartida.

3. Wak si bo ta mira e makaku den dje

B’a yega di diskutí ku un hende ku ta bisa kos asina inhustu djis p’e no keda na bèrgwensa? Bo ta mira mes ora ku ta aktitut di un “alpha male”.  Haña sa ki ta e drive pa su aktitut i dun’é esei. Djis no lag’é bai ku e kos ku abo ke.

4. Pèrdè pasenshi i pèrdè e wega

E poder di mas grandi ku bo por tin den un konflikto ta pasenshi. Hopi hende ta kue fadá i ta duna bo kiko bo ke djis pa kita kos fo’i man.

5. Sa ki bo no t’ei bisa

  • Sa kiko bo t’ei bisa ta importante.
  • Sa kiko bo no t’ei bisa ta krusial.
  • Bisa kos ku bo lo lamentá ta fatal!

 

Fuente:

A.Bourdrez, Think like a lawyer. Dont act like one. Amsterdam: BIS Publisher 2009

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Krisis di e bintiañero

Dollar of Florin Karibense?