in

E Arte Di Rèp: NokBlok

Esaki ta un segmento nobo ku mi ke kuminsá kaminda mi lo fokus riba algun rèper di nos dushi islanan di Antias. Lo mi trata na splika dikon i kiko ta hasi e rèpernan aki asina spesial. E segmento aki ta solamente pa hende ku ta interesá den e aspektonan tékniko di skibi rèp.

Awe mi a skohé pa fokùs riba NokBlok.

Mi ta kere tur hende den e mundu di urban rèp di Kòrsou konosé òf ta familiar ku ken NokBlok ta. Ban laga un introdukshon amplio di ken NokBlok ta pa un otro bia i ban mesora den dikon e ta un di e mihó rèpernan ku Kòrsou a konosé.

Komo skibidó mi mes, semper mi a keda fasiná ku e manera ku NokBlok ta skibi. E no ta usa e manera partikular di skibi bara. E ta sigui su mesun reglanan, i no ta atkerí na e reglanan ku rèpernan ordinario ta usa pa mantené un flow riba un beat.

Banda di su flow èkstraordinario, e tin un manera estelar di usa palabra. Hopi bia e ta gusta usa homónimo. Homónimo ta palabranan ku ta wòrdu skibí meskos, pero tin otro nifikashon. E tin un vokabulario amplio pero tòg ta trata na tené simpel sufisiente pa hende por komprondé kiko e ta splikando.

Banda di e kalidat haltu di e téknika di su letranan, algu mas ku mi mester agregá ta su punchlinenan. Su liñanan ta e tiponan ku hopi bia ta hala bo atenshon mesora! Su stèm semi-bas ta buta ku bo ta rekonosé su presensia riba su kantikanan. Esaki tambe ta algu ku hopi rèper por siña for di dje.

Akinan ta sigui algun ehèmpel ku mi ke kompartí ku boso:

E homónimonan ta di highlight ku mesun koló

101 Barz Immo

Nos ta live

Real Shit

Lèsnan ku nos por a siña awe for di NokBlok ta:

  1. Siña krea bo mes reglanan ora di flow i rèp riba un beat.
  2. Siña usa homónimo i hunga ku e palabranan. Tin bia den mesun bara, i otro bia den e siguiente baranan.
  3. Sòru pa bo punchlinenan ta hala atenshon. Si bo punchline no ta hala atenshon, e no ta un punchline. (Den un otro artíkulo lo mi splika tambe kon pa “set up” bo punchline.)
  4. Siña usa bo stèm den un manera ku hende ta sinti bo presensia riba un trèk.

Si bo sa di mas kantika di NokBlok ku otro hende tambe tin ku tende, basha lenknan den comment. I saludos na NokBlok, unda bo ta?!

Si bo tin petishon di rèper ku bo ke mi analisá (pause), sinti bo liber pa manda un mensahe riba Facebook of dròp un comment i tèg e rèper.

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Tata di mi yu òf mi ‘baby daddy?

Krisis di e bintiañero