in ,

Nos ke bini bek?

 

Foto: Caribisch Netwerk

Kada aña Kòrsou ta eksperensiá un exodus kaminda un grupo grandi di studiante ta bai den eksterior pa kontinuá ku nan estudio. Research Quest Caribbean a hasi un investigashon tokante re- emigrashon di e studiantenan. Den e investigashon aki nan a averiguá  e faktornan ku ta buta un studiante skohe pa bai bèk. Aparte di esaki nan a investigá e motibunan dikon otro studiante ta disidí di no bai bèk. Den e artíkulo aki e resultado di e investigashon aki lo wòrdu resumí.

 

Nan resultado ta mustra ku hopi studiante tin e deseo pa bai bek Kórsou. E presensia di famia, klima di Kórsou i lifestyle na Kórsou ta wòrdu indiká komo motibunan pa bai bèk. Na momentu ku dianan kuminsa bira mas kòrtiku i friu yen hende ta haña gana di kore bai Kòrsou. Naturalmente e presensia di mama ku tata tambe ta wòrdu konsiderá na momentu ku e (èks-)studiantenan ta kla pa haña yu. Enbes di paga tantu sèn pa opvang, hopi ta preferá di laga nan yunan bai serka nan mayornan na momentu ku nan ta bai traha.

 

N’e otro banda, difikultat pa haña trabou na nivel i skarsedat di kas ku ta bon i pagabel ta e motibunan di mas grandi dikon studiante no ta bai bèk. Aparte di esaki e diferensia di moneda tambe ta trese su difikultat, komo ku ta tarda mas pa paga e debe ku florin. Naturalmente tambe tin e studiantenan ku ta keda pa motibu ku nan a topa nan papi òf mami na e pais ku nan a bai studia. Lokual tambe ta wórdu menshoná ta e reintegrashon den e sosiedat di Kòrsou. E habitantenan tin bia ta haña e hendenan ku ta bini bèk masha drùk, espesialmente na momentu ku e palabranan hulandes òf ingles wòrdu di meks den papiamentu. E remigrantenan, n’e otro banda, ta indiká hopi bia ku nan mester kustumbrá na e island mentality.

 

Maske ku tin hopi studiante ku tin gana di bai Kòrsou bek a lo largu ,tin diferente faktor ta determiná si nan ta remigrá na Kórsou. Si Kòrsou ke atraé e studiantenan aki bèk, lo mester stimulá un reintegrashon ku posibilidat di un bon trabou i bon kas. Bo tambe ta konsiderando si bo lo regresá? Kiko ta e faktornan ku ta stimula bo òf stroba bo di regresá?

 

Si bo ta deseá di lesa e rapòrt kompletu, klek riba e lenk aki:

https://docs.wixstatic.com/ugd/15a2bc_25664efec7164e49ae93453bd921de4d.pdf

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Bot’un Katibu? Kasi sigur!

Deyon x Gols – Mi Sa (Produced By Ill Flavaz x Sean Cannister)