in , ,

Ta papa Dios so ta komprondé mi!?

Kuantu bia b’a haña bo mes ku un situashon kaminda bo a splika un hende un kos dies mil bia, anto bo ta haña ku ahinda e ta kana hunga rol di kèns riba bo? Òf  ku un hende hopi serka di bo ku bo a splika algu, a laga bo na kaya òf hurt bo di un manera ku bo no a ferwagt. Mi kièrsa “Bo no ta komprondé kiko mi kièrmen!” ta un di frasenan mas usá den diskushonan (kitando tur e palabra malunan ku sa skeiru). Tin hende gusta bisa ku esei ta sinta na falta di komunikashon òf tambe na e manera ku e persona ta komuniká. Pero ta esei so ta e problema?

Hopi bia komo persona ora bo ta splika algu e ta bin fo’i un emoshon ku bo ta sinti. Ora bo ta rabiá, fadá, kontentu, fèrdrit, desepshoná ets. bo ke splika dikon bo ta sinti asina. Bo ke deskribí tambe kon e emoshon ei ta afektá bo anto tur otro kos ku esei ta enserá. Tin bia bo ta logra trese loke bo ta sinti over na e otro hende anto tin bia bo no ta logra. Kòrda nòh! Mare nos tabata biba den un mundu kaminda e chèns pa mal komprondementu ta 50/50. Laga mi bisa e kos manera e ta; MAYORIA bia e no ta bai. Hende no ke tende, anto si nan ke tende mes, nan no ta komprondé, anto si nan ta “komprondé” mes, nan no a komprondé manera abo ke pa nan komprondé (bo no ta klara nunka asinaki).

Hende no ke tende, anto si nan ke tende mes, nan no ta komprondé, anto si nan ta “komprondé” mes, nan no a komprondé manera abo ke pa nan komprondé (bo no ta klara nunka asinaki).

Lo bo ta puntra bo mes na unda e fout ta sinta? Ta mi tono ta malu òf ta ami no ta usa e palabranan adekua? Asina bo por keda analisá i bin ku rasonnan dikon un otro hende posiblemente no ta komprondé kiko abo ke splika òf ta sinti. Anto bèrdat, e problema por sinta na tur e kosnan ei, pero kiko ta pasa awor ora bo komuniká nadrechi anto tòg bo ta sinti ku e otro persona no a komprondé bo? Kiko ta pasa ora b’a asta tuma 1 ora pa skibi tur kos ku bo ke bisa, usa palabra ku no ta kai pisá/ofensivo, i asta train loke bo ta bai bisa ku un tono menos agresivo, i despues di tur e kosnan ei, TÒG bo ta sinti manera bo a gasta bo tempu ku e kombersashon ei?

E ta basta fasil. Ni maske kon bo bir’ é òf dal abou, ta kasi imposibel pa un hende komprondé i sinti presís kiko ta pasando den bo mente. Tur hende tin un otro bista riba “realidat”. Loke abo ta konsiderá “realidat” ta hopi bia mas loke bo tin den bo kabes, ku un realidat basá riba echonan. Nos tur ta biba den nos mente anto nos tur ta brua e “realidat” ku nos a krea den nos mente ku e realidat eifó. Un di e foutnan di mas grandi ku nos ta hasi ta pa kere ku un otro hende ta pensa òf sinti mesun kos ku nos. E simpel echo ku nos tur ta otro den e manera ku nos a lanta fo’i chikí i tur e otro faktornan den nos bida ku a/ta influensiá nos manera di pensa aktual, ta pone ku un otro hende no por sinti loke nos ta sinti manera nos ta sintié.

E simpel echo ku nos tur ta otro den e manera ku nos a lanta fo’i chikí i tur e otro faktornan den nos bida ku a/ta influensiá nos manera di pensa aktual, ta pone ku un otro hende no por sinti loke nos ta sinti manera nos ta sintié.

Un sintimentu òf emoshon, ku ta influensiá dor di mil i un faktor den bo pasado i bo mentalidat, bo no por pas’é over pa un hende. Ta asina bo ta haña bo ku mal komprondementu i rabiamentu. Spar bo mes doló i frustrashon i ga ervan uit ku bo ta bai hasi bo bèst pa komuniká mas mihó posibel, pero e chèns pa un hende komprondé bo kompletamente ta chikí. Anto ban ser sinsero, lo bo ke pa un hende komprondé bo 100% tur ora? Bida no ta bira laf?

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Kuantu sèn nos naturalesa ta bal?

Kòrsou no tin sufisiente rekurso pa yuda Venezuela!