in

E mamanan aki no ta hasi wega

Kuantu bia bo a yega di tende ku un grupo di  yu di Kòrsou, ku ta kobra uitkering na Hulanda, a sera kabes i lanta un restorant/café huntu. No ta kos ku bo ta tende di dje masha, pero presis esei kuater mama yu di Kòrsou ku tabata kobra uitkering a hasi na e siudat di Delfzijl.

Un par di aña pasa e damanan aki a bin riba e idea pa kombiná nan bida di mama ku un trabou ku por yuda nan sali for di bijstand. Huntu nan a bin riba e idea pa lanta un restorant ku nan mes lo bai traha den dje i manehá.

E kaminda pa logra esaki no tabata fásil. Nan a haña nan mes ku basta baranka riba nan kaminda. Por èhèmpel, durante e trayektoria e lider di e grupo a disidí di sali for di e grupo, restourashon di e luga a tuma mas tempu ku a ferwagt i tambe mester a kolektá sèn pa por a kaba di drecha paden. Pero e señoranan aki a sigui lucha i al final nan por a gosa di e resultado ku nan mes restorant/café bou di e nòmber Mothers United.

potrèt: dvhn.nl

Nan no ta sirbi kòfi so, tambe nan ta traha plato típiko di yu di Kòrsou, manera stobá ku aros. Pero nan ta sòru tambe pa tin algu di Ulanda mes manera e konosido “stampot”. Pues no bin bisami ku bo no ta bai ku “Jeroen” of “Famke” paso e no gusta kuminda ku hopi sous, pasobra tin kos pa e plùs pa abo. Pues, lora i sostené un par di hende muhé yu di Kòrsou  ku sigur ta riba e bon kaminda i a mustra ku sigur por otro si nos uni.

Aki bou bo por wak un video kòrtiku tokante Mothers United i kon nan a yega kaminda nan ta awoki.

Leave a Reply

Your email address will not be published. Required fields are marked *

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Ataniro x Zyon x Rich Kalash – Laga Nan Sapatia

Dongo – Pushi Pretu