Un bendishon disfrasá

Tin sufisiente motibunan i benefisionan ku ta splika dikon ta importante pa ta independiente di otro pais den sierto areanan manera agrikultura. Agrikultura tin un ròl sumamente importante den desaroyo ekonómiko, espesialmente ora ta trata di islanan chikitu. Un oumento di produkshon den agrikultura ta importante pa sostené e populashon di e isla ku komestibel.  Ademas, e ta un kondishon esensial si un isla of pais ke persiguí industrialisashon. Den situashon di Kòrsou nos ta importá mayoria di nos frutanan, bèrduranan i sobrá komestibel. Manera a splika den nos artíkulo di Oportunidat pa Tur, nos produktividat laboral ta bahando pa un par di aña tras di otro kaba. E artíkulo aki lo duna un ehèmpel di un stap ku nos por dal den direkshon pa por hisa nos BBP.

Hulanda ta number dos mundialmente den eksportá kuminda. Chikitu ku nan ta, nan a sa di dominá e merkado di kuminda riba un eskala grandi dor di implementá siensia, bon legislashon i bon negoshi. Kòrsou ku tambe ta den Reino lo por hasi uso di e benefisionan aki. Bou di e preteksto ku nos mes por, nos por usa e sabiduria i ekspertonan ku Reino ta brinda pa nos desaroyo propio.

Na otro banda tin ku bisa, ku tin bia ta bon pa por balansa i wak kiko ta kumbiní un pais. Den sierto situashon ta mas mihó (ekonómiko, logístiko etc) pa importá un bèrdura òf fruta ku purba kosechá nan nos mes.

Nos ministerio di Salubridat, Medio Ambiente i Naturalesa (huntu ku ministerio di Asuntunan di Ekonomia) ta responsabel pa e legislashonan ku tin de aber ku agrikultura na Kòrsou. Tin sufisiente kompanianan di agrikultura (manera Soltuna i plantage brakkeput ariba) ku lo por ta un bon komienso pa sòru ku nos tin nos mes bèrduranan i frutanan riba nos isla.

Tin diferente manera ku gobièrnu por stimulá un oumento di produkshon, pero nos komo pueblo, doñonan di supermerkado i komersiantenan mester ta habrí pa algu asina promé.

E blokeo ku Nicolás Maduro a implimentá riba frontera di Venezuela a habri wowo di bastante hende, inkluyendo nos gobièrnu. Komo un reakshon riba e blokeo, gobièrnu di Kòrsou a implementá algun legislashon ku ta stimulá benta di nos propio kosecha. Gobièrnu a hasi e sitio disponibel pa komersiantenan i produktornan lokal. Esaki ta trese e posibilidat pa nan por bende nan fruta i bèrdudanan mesora na e konsumidó enbes di tin un entidat meimei manera un supermerkado. Si e sigi asina un resultado di esaki por ta ku preisnan di nos kosecha lo baha i ademas e produktornan por gana mas sèn.

Nos no ta sigur kiko ta bai pasa awor, i si e proyekto aki tabata unu duradero. Un kos ta sigur, ta ku e ta un bon inisiativa! Alrededor di 450 persona a mèldu nan mes pa por haña un chèns pa yega na un stènt. E interes t’ei!

E barera ku Venezuela a implementá ya no t’ei mas i nos gobièrnu ta pensando kiko mester bai pasa awor. E barkunan mester sigui bende fruta manera a pasa e lastu siglo akí? E Ruyterskade mester keda pa nos mes hendenan? Òf e ta bai bira un kombinashon?

Lo ta hopi bon si gobièrnu por sigi stimulá produkshon di fruta i bèrdura riba nos propio tera ku mas manera. E echo ku e barku venezolanonan a disparsé pa un ratu tabata un bendishon disfrasá.

Esaki ta djis un di e posibilidatnan. Abo por pensa mas kos ku gobièrnu por hasi pa stimulá produkshon i benta di nos propio fruta i bèrduranan?

UPDATE:

Tin 29 empresario ku ta kla pa kuminsá bende fruta, bèrdura i kos dushi riba e marshe. Un parti di e marshe no ta habrí dor di falta di sèn pero e proyekto ta primintí hopi!

This post was created with our nice and easy submission form. Create your post!

Leave a Reply

Your email address will not be published. Required fields are marked *

What do you think?

-1 points
Upvote Downvote

Total votes: 1

Upvotes: 0

Upvotes percentage: 0.000000%

Downvotes: 1

Downvotes percentage: 100.000000%

Sterilisá bo kachó grátis!

Ban papia di morto