in

Sterilisá bo kachó grátis!

Kòrsou tin dimas kachó ta kanando rònt. Supuestemente tin rònt di 40.000 kachó riba nos isla i e kantidat ta sigui krese. Ku rònt di 160.000 hende na Kòrsou, tin 1 kacho pa kada 4 hende. Pa redusí e populashon di kachó na Kòrsou, House of Animals, kolaborando ku diferente organisashon, a kuminsá un proyekto pa sterilisá kachónan pòrnada entre 13 ku 17 di jüni ( check e evento riba Facebook: https://www.facebook.com/events/226028071501180/).

House of Animals ta un organisashon hulandes ku ta yuda eduká tokante di derechinan i bienestar di bestia. Nan ta traha huntu ku organisashonnan hulandes i lokal, manera Dierenbescherming Curacao i Platform Dierenwelzijn Curacao, pa realisá e proyekto di sterilisashon aki.

Hopi di e kachónan aki ta riba kaya sin doño i sufriendo di kosnan manera hamber, malesa i abuso. Hopi bia ta pasa ku un kachó ta haña yu, i e doño no por òf ke kuida e pùpinan. E kachónan aki ta wòrdu bendé of di dùmp un kaminda manera na shut. Riba Facebook tin yen video òf potrèt ta skeiru rònt di kachónan maltratá òf di dùmp. Steralisá kachó ta evitá ku nan ta haña yu, pues redusí e kandidat di kaso di dùmpmentu.

E situashon ta basta grave, te ku turistanan mes a kuminsá nota e kantidat di kachó riba kaya. Hopi organisashonnan riba nos isla ta traha duru pa sòru ku kachónan ku a wòrdu bandoná òf maltratà por haña un segundo chèns den bida. Organisashonnan manera Stichting Dog CuracaoRescue Paws Curacao,

Perla and Friends , Feed Friends Foundation i esnan menshoná ariba ta hasi tremendo trabou ku yudansa di voluntarionan ku ta duna nan sèn i tempu pa yuda e animalnan aki, pero tambe pa konsientisá pueblo i gobièrnu tokante e situashon aki.

Animals Today a saka un dokumental ku ta demonstrá klaramente e gravedat di e situashon di kacho di kaya na Kòrsou. Tin asina tantu kachó ku e organisashonnan ku ta salba i kuida e kachónan aki ta yen yen. Dierenasiel mes ta kasi sera, paso e ta muchu yen i no tin sufisiente fondo. Mayoria di e organisashonnan aki por usa bo yudansa, pues si bo por, hasi un donashon of bira un voluntario! Si bo tin un kachó, konsidera bai sterilis’é i probechá di e servisio ku e organisashonnan aki ta ofresé! Huntu nos por yuda redusí e sufrimentu di bestia riba nos isla i krea un mihó pais pa hende i bestia.

Kiko mas bo ta kere nos por hasi pa redusí e kantidat di kachó na Kòrsou? Kon nos por mehorá kalidat di bida di e bestianan aki? Laga nos sa kiko bo ta pensa!

This post was created with our nice and easy submission form. Create your post!

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Fin di lionfish?

Un bendishon disfrasá