in ,

Fin di lionfish?

Lionfish ta un piská bastante popular den e area di Karibe pa dos motibu: e ta kousa hopi daño den nos ekosistema, i e ta smak hopi dushi! Resientemente, lionfish a kuminsa aparesé ku diferente herida riba nan kurpa. Ainda no ta komprendé kiko presis e kousa di e heridanan aki ta, pero tin spekulashon ku ta un tipo di malesa. Mas investigashon lo mester wòrdu hasi pa komprendé kiko ta pasando ku e piskánan aki. Porta esaki ta e fin di e plaga di lionfish den Karibe?

Fuente: https://www.duikersgids.nl/actueel/1590-ziekte-lionfish-bonaire-wereldwijd-fenomeen

Espesia invasivo

Lionfish no ta nativo pa e area Karibense, pero ta originá for di lamannan Indo-Pasífiko. Di un manera of otro, e piská a logra yega te akibanda rònt di añanan 1990. Sin yagdó natural, e a multipliká masha lihe mes. Lionfish ta kome hopi diferente tipo di piská chikitu. E populashonnan di e piskánan ei ta baha pa motibu di e lionfish goloso. Otro piskánan ku ta kompetí ku e lionfish pa kuminda ta haña nan mes ta pèrdè, i nan tin ku move drenta otro region kaminda tin menos lionfish, pero ku kondishonan no optimal. Esaki ta pone ku nan populashon tambe ta baha. Últimamente, lionfish por afekta henter e ekosistema kaminda e ta invasivo i ta presenta problemanan pa koralnan, pero tambe pa nos piskadónan.

Un di e kosnan di mas sabí ku nos por a hasi ta pa kome nan! Lionfish tin spiña venenoso, pero si prepar’é bon, e ta seif pa kome. Ta nada straño ku lionfish a bira masha popular pa kome. Asinaki nos por kontrola e populashon di e piská, haña un bon ko’i kome i gana sèn den un tiru.

Bo a yeg’i kome lionfish? Laga nos sa kua kaminda ta prepará e miho lionfish!

This post was created with our nice and easy submission form. Create your post!

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Sota ku her’i strika

Sterilisá bo kachó grátis!