in , , ,

Oportunidat pa un i tur

Segun CBS di Kòrsou, 25,1% di nos hendenan ta biba bou di e liña di pobresa. Esei ta nifiká ku tin famia i hende ku no tin sufisiente pa sòru pa kome tur dia. Si bo ta lesando e artíkulo aki fo’i bo lèptòp of smartphone, esei ta nifika ku bo por kome tur dia. Tin chèns tambe ku bo a kis “material’ over di ko’i kome, pero e tópiko ei mi ta laga pa despues.

Segun Centrale Bank van Curacao en Sint Maarten nos tin e oportunidat pa drecha nos ekonomia. Pero nos produktividat laboral ta bahando pa un par di aña tras di otro kaba. Nos produktividat laboral ta basá riba e ‘bruto binnelands product’ (bbp) di kada un persona ku ta biba den un pais. Bruto binnenlands product ta e total ku un pais ta gana ku bendementu di produkto i servisio. Flét bisa, e promedio di kuantu sén un persona na Kòrsou ta gana a baha.

Den e persbericht di Centrale Bank van Curacao en Sint Maarten tin skibí ku nos por kambia esei. Pero pa hasi esei nos tinku duna mas atenshon na kiko nos merkado na Kòrsou mester.

Por ehèmpel:

Fruta na Kòrsou ta hopi karu. Ora Nicolás Maduro a sera e frontera di Venezuela, Ruyterskade a keda sin fruta pa dos luna. Yen toko ta traha nan mes produkto i paket’é den otro pakete.

Esakinan ta oportunidat pa NOS mes kuminsa nos negoshi. I NOS mes bende NOS mes fruta. NOS mes bende NOS mes produkto. Pa NOS kumpra produkto serka NOS HENDENAN. Ban pa nos hisa nos BBP. Paso Centraal Bank van Curacao en Sint Maarten ta konkluí ku si nos BBP subi, mas hende lo haña trabou. I si mas hende haña trabou, tin mas chèns ku e pobresa na Kòrsou por baha.

Leave a Reply

Your email address will not be published. Required fields are marked *

What do you think?

-1 points
Upvote Downvote

Total votes: 1

Upvotes: 0

Upvotes percentage: 0.000000%

Downvotes: 1

Downvotes percentage: 100.000000%

Bo Stima Bo Mes?

Skòp un kachó i bo t’ei kai será