in

E yu di Kòrsou puru

Na prome instansha kasi sigur e titulo di e artikulo aki ta insinua ku lokual ta sigui ta un diskushon pa loke ta trata e identidat di e ‘’puru’ yu di Kòrsou. Esaki ta un diskushon bastante kontroversial i kompleho. Lokual hopi hende ta fokùs riba dje ta naturalmente si un kurasoleño ta un individual ku: a nase na Kòrsou; praktika e kustumbernan kultural; tin sierto karakteristikanan fisiko. Den realidat ta bon kla ku no ta fasil pa ‘pinpoint’ eksaktamente ken ta e puru yu di Kòrsou.                                                                                                          

 Lokual e artikulo aki ta fokùs riba dje ta kon e yu di  korsou por karga su mes na un manera puru pa e eksperensha libertat, felisidat i amor den su bida priva I kon esei por  transladi kolektivamente na e manera ku nos ta trata otro, trata nos pais I nos ta trata tur lokual ku ta pafo di Kòrsou.                                                                                                                            

Esaki ta hopi importante pa e yu di korsou por realisa su mes potensial i potensial di Kòrsou. Mi kier a komparti e kuater akuerdonan ku a wordu revela dor di Miguel Ruiz (1997) den su buki The Four Agreements. E akuerdonan aki ta parti di ‘Toltec wisdom’. E kuater simpel akuerdonan aki ta ofrese hende kódigo di komportashon ku por transforma nan bida. Nan no ta semper fasil i honestamente mi ta diskubrí varios bia den un dia ku mi a viola un (of un par) di e akuerdonan. E ta un proseso, e ta un ‘journey’. 

1. Ta impekabel ku bo palabra

  • Papia ku integridat, paso palabra ta poderoso.
  • Bisa solamente lokual bo ta ’meen’.
  • Evita uza palabra ku ta bai kontra bo mes of hasi redu kontra di otro. Papia malu di otro hende al final ta kai bou di bai kontra bo mes paso a lo largo e por tin konsekuensia malu pa bo mes.
  • Usa bo palabranan den direkshon di e berdat i amor.

2. No tuma nada personal

  • Nada ku otro hende hasi ta dor di abo.
  • Lokual otro hende bisa i hasi ta proyekshon di nan realidat.
  • Na momentu ku bo ta inmune pa e akshonnan di otro, lo bo no ta viktima mas na sufrimentu innesesario.

3. No asumí kos 

  • Tuma e kurashi pa hasi pregunta i ekspresa lokual bo ke realmente.
  • Komuniká ku otro hende na manera kla i raspá pa evita mal komprondementu, tristesa i drama. Tiramentu di puña ta aparentemente un ‘’no-go’’.

4.Semper duna bo máksimo

  • Bo máksimo no ta mesun kos semper. Na momentu ku bo ta por ehempel malu bo máksimo ta otro for di na momentu ku bo ta salu. Pero bou di kada un sirkunstansha duna ‘BO’ máksimo. Asinaki bo ta prevení ku bo ta husga bo mes, abusá bo mes , duda den bo mes of sinti lástima

Kiko abo ta pensa di e akuerdonan aki?

Fuente:

Ruiz, M. (1997). The four agreements: A practical guide to personal freedom. San Rafael, Calif: Amber-Allen Pub.

This post was created with our nice and easy submission form. Create your post!

Leave a Reply

Your email address will not be published. Required fields are marked *

What do you think?

1 point
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

Designed by Freepik

Hende hòmber tambe tinku guli den futuro

Facebook su eskandalo di privasidat